Vjolenza fl-Italja

Il-Hadd li ghadda il-futbol internazzjonali intlaqat minn tragedja ohra hekk kif partitarju ta’ Lazio safa milqut minn tir sparat minn ufficcjal tal-pulizija qrib auto-grill f’Arezzo. Iz-zaghzugh Gabriele Sandri, li kien habib u qrib ta’ hafna plejers ta’ Lazio, tilef hajjtu fuq il-post. L-ahbar griet bhal lehha ta’ berqa u serviet ta’ nicca biex titqabbad huggiega ta’ vjolenza minn ultras ta’ diversi klabbs kontra l-forzi tal-ordni u anki, f’certi kazi, kontra bini tal-Lega Taljana.

Fl-ewwel verzjoni tal-pulizija dawn qalu li l-ufficcjal spara fl-arja biex iwaqqaf glieda bejn l-okkupanti ta’ zewg karozzi u Sandri intlaqat bi zball. Din il-verzjoni ma tantx tregi minhabba zewg fatturi. Huwa mpossibbli li tir sparat fl-arja jista’ jolqot lil xi hadd riekeb f’karozza fil-waqt li kien hemm il-konferma li l-ufficcjal spara zewg tiri. Din il-verzjoni daret xi ftit meta il-pulizija involut qal li t-tieni tir gie sparat bi zball waqt li kien qed jigri lejn il-post fejn kien ghaddej l-argument.

Mhux l-iskop ta’ dan l-artiklu li jitfa’ t-tort fuq parti jew ohra izda dak li hareg car minn dak kollu li gara huwa li mill-incidenti tragici tal-istagun li ghadda dawk li jmexxu l-futbol Taljan u l-forzi tal-ordni baqghu ma tghallmu xejn. L-istagun li ghadda dhalna fil-fond dwar l-incidenti li kkawzaw il-mewt ta’ ufficcjal tal-pulizija fi Sqallija. Dakinhar l-awtoritajiet tal-futbol Taljan kienu hargu b’hafna pjanijiet u mizuri biex il-futbol jitnaddaf minn dan l-element vjolenti. Dak li gara fi tmiem il-gimgha wera li, bhal f’okkazjonijiet ohra, ma sar xejn u l-kankru baqa’ f’sahhtu.

Id-dirgenti tal-futbol Taljan inqabdu mhux preparati u l-indecizjoni dwar x’passi immedjati setghu jittiehdu komplew heggew il-vjolenza. L-ewwel decizjoni kienet li tithassar il-loghoba bejn Inter u Lazio fil-waqt li l-loghobiet l-ohra bdew ghaxar minuti tard. X’hasbu li se jsolvu billi jittardjaw il-loghob kollu b’ghaxar minuti huwa inkoncepibbli. Ladarba l-partitarju inqatel minn ufficcjal tal-pulizija kien ovvju li l-ultras se jiehdu l-okkazjoni biex jifthu battalja kontra l-pulizija halli “jpattu” ghal dak li gara. Il-konfronti bejn l-ultras u l-pulizija huma xi haga komuni madwar il-grawnds Taljani u kien car ghal kulhadd li l-mewt ta’ Sandri kienet se sservi ta’ skuza biex tinfetah battalja fuq diversi fronti madwar l-Italja. L-ultras uzaw l-argument li meta nqatel ufficcjal tal-pulizja fi Frar li ghadda il-futbol waqaf u ghalhekk kellu jieqaf nhar il-Hadd ukoll.

L-incidenti li sehhew wara l-qtil ta’ Sandri wasslu biex il-loghoba bejn Atalanta u Milan tigi sospiza minhabba t-theddid tal-ultras u l-posticipo bejn Roma u Cagliari tigi posposta. Incidenti ohra gravi sehhew fil-grawnd ta’ Taranto.

Il-problema l-kbira fil-futbol Taljan hija l-mod kif l-awtoritajiet tal-futbol u governatttivi qed jagixxu fil-konfront ta’ din is-sitwazzjoni. L-istqarrijiet u s-soluzzjonijiet li qed jigu proposti wara t-tragedja ta’ Arezzo juru li s’issa ma nbidel xejn u qed nisimghu l-istess affarijiet li smajna mitt darba ohra u li, jew qatt ma gew implimentati, jew ma hadmux. Ezempju ta’ dan humu l-mizuri li suppost kienu gew introdotti biex il-grawnds ikunu aktar “safe” izda l-grawnd ta’ Atalanta zgur li ma jilhaqx dawn in-normi u safrattant qed jintlagahb il-loghob tas-Serie A go fih.

Wara laqgha mal-Presidenti Gianni Petrucci (CONI), Giancarlo Abete (FIGC) u Antonio Matarrese (Lega) il-Ministru Giovanna Melandri qalet li l-futbol Taljan ghandu jaghti sinjal f’sahhtu u sinifikattiv u pproponiet li l-kampjonat jieqaf ghal tul ta’ zmien. Fil-fatt il-kampjonat se jieqaf biss fi tmiem il-gimgha li gej meta m’hemmx loghob tas-Serie A. Ittiehdet ukoll decizjoni li jitwaqqaf is-sapport “away” fil-waqt li l-kurvi tal-ultras tal-grawnds ta’ Atalanta w Taranto jistghu ikunu maghluqa ghall-pubbliku. Hemm ukoll is-suggeriment li persuna tkun tista’ tixtri biljett wiehed biss u l-biljetti jkunu ghal-bejgh mill-provincja tal-klabb li jkun se jilghab f’daru.

Il-kowc tat-tim nazzjonali Taljan Roberto Donadoni qal li kieku jkun cert li l-waqfien tal-kampjonat isolvi l-problema tal-vjolenza ikun l-ewwel wiehed li jappoggja dan il-waqfien anki ghal tlett xhur. Izda, jistaqsi Donadoni, din is-soluzzjoni se tfejjaq il-marda? Ir-risposta hija le.

L-awtoritajiet qed iharsu lejn din il-problema bhala wahda marbuta mal-futbol biss. Qed jarawha bhala problema li tirrizultha minn irjus shan waqt loghoba futbol u qed jahsbu li jekk iwaqqfu l-futbol u ma jhallux gruppi ta’ ultras jivvjaggaw b’mod ufficcjali se jsolvu l-problema u kollox se jikkalma. Il-problema hija hafna aktar profonda minn hekk. Ghall-ultras vjolenti il-futbol fl-Italja qed iservi biss ta’ skuza buex tohrog fil-berah vjolenza li gejja minhabba ragunijiet ohra. Il-football huwa biss il-palk fejn jigi espost dak li jkun ilu jinhema fi strati ohra tas-socjeta.

Bil-waqfien tal-kampjonat dawk li jridu juzaw il-loghoba biex jaghmlu l-vjolenza u jiggieldu kontra s-sistema mhux se jsiru angli u se jkomplu jiffermnentaw l-ideat taghhom biex jergghu jisplodu hekk kif jerga’ jitfacca c-cans. It-twaqqif tal-bejgh ufficcjali ta’ biljetti lill-partitarji “away” iservi biss biex dawk li jridu joholqu l-inkwiet jispiccaw jew f’nofs il-partitarji opposti jew inkella fit-toroq tal-belt li tkun qed tospita l-loghoba. Minkejja kull mizura li tista’ tittiehed, il-biljetti xorta jistghu jigu akkwistati. Dawn in-nies ghandhom kuntatti kbar fil-waqt li bejn sezzjonijiet ta’ ultras ta’ certu klabbs hemm gemellaggi li jwasslu liz-zewg fazzjonijiet biex jghinu lil xulxin meta jkunu ffaccjati mir-regoli tas-sistema.

L-ultras vjolenti fl-Italja huma organizzati bhal partiti politici w uhud minn dawn il-gruppi ghandhom l-ufficcji taghhom, stazzjonijiet tar-radju, gurnali, perjodici, kumpaniji tat-trasport u, fuq kollox, hafna sahha fil-klabbs. F’certi kazi jkunu huma stess inkarigati mill-bejgh tal-biljetti. Ezempju tas-sahha tal-ultras deher fl-incidenti ta’ Bergamo. Hawnhekk l-ultras ta’ Atalanta litteralment iddecidew li jwaqqfu l-loghoba li huwa incident simili ghal dak li kien gara fid-derbi bejn Roma w Lazio fejn il-kapijiet tal-ultras ta’ Roma nizlu jkellmu lil-kaptin Francesco Totti u ddecidew li jwaqqfu l-loghoba. F’loghoba ohra ta’ tmiem il-gimgha rajna ultras ta’ klabb jinzlu fit-trekk b’dawk inkarigati mill-grawnd jifthulhom il-bibien biex jidhlu jitkellmu mal-ultras opposti biex jiddeciedu kif se jipprotestaw.

Kif dawn in-nies jithallew iduru mal-grawnd u jiftehemu dwar xi vjolenza se juzaw huwa nkredibbli. Kif il-kameras jigbdu “close-ups” tal-ultras waqt li jkunu qed joholqu l-inkwiet u l-istess nies jithallew jidhlu l-grawnd Hadd wara Hadd ihallik skantat. Kif ma kien hemm ebda forzi ta’ sigurta biex iwaqqfu dak li kien ghaddek fil-kurva ta’ Atalanta u kif dawn in-nies dahhlu oggetti li bihom bdew ikissru l-hgieg jikxef hafna min-nuqqasijiet li jezistu fil-grawnds Taljani.

Il-konnessjonijiet ta’ certu gruppi tal-ultras mal-klabb taghhom stess hija l-ewwel haga li ghandha tigi nvestigata u mwaqqfa mill-aktar fis possibbli. Hafna mill-klabbs huma prigunieri tat-theddid tal-ultras. Jekk dawn ma jinghatawx li jridu bhal kontroll assolut ta’ dak li jigri fil-kurva, kontroll ta’ min jidhol u min johrog u trasport b’xejn ghal-loghobiet away, huma jehduha kontra l-klabb taghhom stess

L-ultras fl-Italja huma movimenti socjali u politici. Il-vjolenza hija parti mill-kultura tal-ultras li juzaw il-futbol biex iwasslu messagg politiku, razzista u juru l-oppozizzjoni taghhom lejn is-sistema permezz ta’ vjolenza kontra l-pulizija. Hafna mill-gruppi ghandhom gheruq faxxisti jew lemini estremi. Dawn il-karretteristici jwasslu ghall-konfronti li naraw Hadd wara Hadd u dak li wassal biex il-futbol Taljan isir prigunier tal-vjolenza.

Il-glieda tal-awtoritajiet ghandha tkun kontra dawn in-nies u mhux kontra l-loghoba u kontra s-sapporter genwin. L-awtoritajiet ghandhom jaghmlu minn kollox biex ibieghdu lil dawn in-nies mill-grawnds u mhux iwaqqfu l-loghob minghajr ma jattakkaw is-sors tal-problema. Biljetti numerati u li jinxtraw biss permezz tal-“Membership Card” jistghu iwasslu lejn filtru ta’ min jidhol il-grawnd. Barra minn hekk, biljett numerat jaghmilha difficli biex certu gruppi jkunu jistghu joqoghdu hdejn xulxin fil-grawnd. L-arrest u s-sospensjoni permanenti minn kull grawnd ghal min ikun involut f’xi tip ta’ vjolenza jservi ta’ deterrent. Sigurta u kontroll akbar mal-entraturi tal-grawnds taghmel il-futbol aktar sikur. Fuq kollox, l-awtoritajiet u l-klabbs m’ghandhomx jibqghu jaghlqu ghajnejhom ghas-sahha li ghandhom l-ultras li f’hafna okkazjoinijiet jidhru ‘il fuq mil-ligi.

Min-naha l-ohra il-pulizija Taljan ghandha tistudja ahjar kief ghandha tintervjeni f’incidenti kemm fil-grawnd u kemm barra l-grawnd. Pulizija jispara u jigri b’pistola f’idejh lejn partitarji li qed jaggieldu mhux l-ahjar mod biex tikkalma s-sitwazzjoini u tevita li din issir aktar gravi. Dan qabel mieghu il-President tal-Kamra tar-Rapprezentanti Fausto Bertinotti li qal li fil-waqt li jemmen li, “…l-bicca l-kbira tal-membri tal-forzi tal-ordni huma karatterizzati minn kultura demokratika, meta jigri l-kuntrarju hemm bzonn li ssir xi haga”. Huwa kompla li l-uzu ta’ arma tan-nar fl-incident ta’ Arezzo huwa inkomprensibbli.

L-Ingilterra ghaddiet mill-infern tal-vjolenza fil-futbol izda llum harget mill-problema u kulhadd jista’ jmur jara loghoba futbol bil-familja fis-serhan tal-mohh. Dan ma jfissirx li l-partitarji fl-Ingilterra huma angli. Altru minn hekk. L-element vjolenti ghadu jezisti bhal f’kull pajjiz iehor izda l-awtoritajiet tal-futbol u dawk governattivi poggew bil-qieghda flimkien u zviluppaw mizuri biex dawn in-nies jinqatghu mill-grawnds u madwarhom. Dan ma jfissirx li ma jkunx hemm incidenti barra l-grawnds izda l-mod kif tintervjeni l-pulizija jkun ferm differenti u l-incidenti qatt ma jizviluppaw f’battalja bejn l’hekk imsejjha partitarji u l-forzi tal-ordni.

Dan kollu l-awtoritajiet Taljani jafuh. Kemm ‘il darba ddikkjaraw li se jsegwu l-mudell Ingliz biex isolvu l-problema. Is-soluzzjonijiet imsemmija f’dan l-artiklu jafuhom ukoll ghax kienu huma stess li hargu bihom wara t-tragedja ta’ Frar li ghadda. Izda minn dakinhar ‘il hawn ma nbidel xejn. Sehhet tragedja ohra u qed nisimghu l-istess diskorsi dwar waqfien ta’ loghob u ta’ vjaggar ta’ partitarji bejn belt u ohra. Dawn huma soluzzjonijiet biss tal-faccata. Dawn il-proposti ma jidhlux fil-fond tal-problema u jistghu iwasslu biss ghall-habi temporanju tal-vjolenza. Biz-zmien din terga’ tfegg u l-probabilta hi li nergghu nisimghu l-istess retorika u l-istess proposti li s’issa ma wasslu ghall-ebda soluzzjoni.

Il-krizi ta' Milan u r-Referees

Mhux tas-soltu. Hekk jista’ jigi deskritt dak li sehh fuq is-sit ufficcjali tal-internet ta’ Milan wara d-dro ta’ 0-0 kontra Torino nhar is-Sibt li ghadda fejn is-socjeta ta’ Via Turati ippubblikat lista ta’ incidenti li fihom Milan gew daneggjati minhabba decizjonijiet zbaljati tar-referis.

Wara l-loghoba kontra Torino l-Amministratur Delegat ta’ Milan Adriano Galliani ikkritika l-izball tar-referi Tagliavento li ma saffarx penalti favur Milan ghal fawl ta’ Natali fuq Ambrosini u enfasizza li hemm problema ta’ decizjonijiet tar-referis fil-konfront ta’ Milan. Galliani qal li din hija problema kbira u l-izbalji qed jirrepetu ruhhom b’mod konsistenti. Galliani kien tal-opinjoni li l-incident tal-penalti rah kullhadd minnbarra r-referi.

Ftit wara din il-kritika ta’ Galliani, fuq is-sit ufficcjali tal-Milan deher artiklu bit-titlu qawwi “Adesso Basta”. Dan l-artiklu jikkwota studju li sar minn ghaqda tal-konsumaturi li f’nofs Ottubru kienet qalet li Milan kien l-aktar tim li kien gie daneggjat mir-referis u sa dakinhar Milan kienu gew imcahhda minn tal-anqas hames punti fil-kampjonat. Fl-artiklu msemmi Milan qalu li minn dakinhar ‘l hawn il-punti mtellfa zdiedu.

Milan elenkaw serje ta’ incidenti li kienu konsistentement kontra Milan fil-loghobiet kontra Siena, Palermo u Lazio barra minn darhom u kontra Catania, Empoli u Torino fil-Meazza. L-istess artiklu jipprova jwaqqa’ l-argument li dawn l-incidenti jibbilancjaw ruhhom matul l-istagun. Milan ma jinteressahomx li jircievu favuri biex ipattu ghal dawn l-izbalji kontrihom izda jridu biss gustizzja u decizjonijiet li ma jiffavorixxu lil hadd. Milan isahhu l-argument taghhom li dawn id-decizjonijiet ma jibbilancjawx ruhhom billi jinnutaw li s’issa ma kien hemm ebda decizjoni zbaljata favurihom.

Naturalment ma kienx tal-istess opinjoni il-kowc ta’ Torino Walter Novellino li fahhar il-wirja tat-tim tieghu u qal li fl-opinjoni tieghu il-penalti allegat minn Milan ma kienx. Novellino kkritika wkoll il-fatt li l-moviola fuq stazzjon tal-Mediaset thalliet f’idejn bniedem li huwa partitarju ta’ Milan u qal li b’dan il-mod l-analizi qatt ma setghet tkun oggettiva Fost l-ohrajn Novellino semma’ fawl partikolari fuq Bjelanovic li ma qajjem l-ebda polemika.

Dan kollu jidher stramb ghax deher fuq websajt ufficcjali ta’ klabb. Diskors bhal dan is-soltu jsir minn gurnalisti li fl-Italja tant jehdew jitkellmu fuq ir-referis u d-decizjonijiet taghhom. Id-diskussjoni fuq ir-referis hija l-hobz ta’ kuljum fil-futbol Taljan izda li tara elenku ta’ zbalji tar-referis pubblikata fuq sit ufficcjali tal-klabb mhix xi haga tas-soltu u ttella’ fuq livell oghla il-kritika lejn l-ufficcjali tal-loghoba.

Jista johrog xi gid mill-agir ta’ Milan? L-akbar effett li se jkollha din l-istorja hija li tkompli zzid il-pressjoni fuq ir-referis u sussegwentement tista’ wkoll tbati l-loghoba tal-futbol. L-argument minn dawn il-kolonni dejjem kien li aktar ma jkun hemm pressjoni fuq ir-referis aktar se jibzghu jiehdu certu decizjonijiet, jew ahjar ma jiehdux decizjonijiet. L-attenzjoni fuq zbalji li jiehdu l-ufficcjali igieghlu r-referis jiehdu anqas riskji u hekk, kull fejn ikun hemm dubju, flok jivvantaggjaw l-attakkant jew ihallu l-loghob ghaddej, iwaqqfu l-loghoba biex jevitaw li jidhlu f’xi polemika bhal din.

Dan diga qed jigri fil-bicca l-kbira tal-loghobiet li jgorru certu mportanza. Wiehed jista jinnota li persentagg kbir ta’ “set-pieces” fejn il-ballun jintlaghab ghal gol-kaxxa jispiccaw bir-referi isaffar fawl favur id-difiza. Hafna drabi ikun hemm konfuzjoni fil-kaxxa u gbid tal-flokk kemm min-naha u kemm minn ohra u r-referi, flok ihalli l-loghob ghaddej jew jikkastiga difensur, iwaqqaf il-loghob ghal fawl tal-attakkant li f’diversi okkazjonijiet ma jkun hati ta’ xejn hlief kuntatt normali li huwa parti mil-loghoba tal-futbol. Il-pressjoni fuq ir-referis hija kbira wisq u dawn ma jissugrawx ihallu l-loghob ghaddej minhabba l-biza li jsir xi gowl u wara l-kameras juru li f’xi hint al-azzjoni kien hemm xi gbid jew fawl iehor favur id-difiza. Minhabba f’hekk qed jintilfu hafna opportunitajiet ta’ gowls, jew almenu azzjonijiet perikoluzi ghal xejn izda l-ambjent li fih qed jahdmu r-referis igieghlhom jilghabu “safe” u jevitaw il-polemiki billi jwaqqfu l-loghob.

Dan it-tip ta’ negattivita jista’ jaffetwa wkoll il-kampjonat Taljan in generali u anki, fuq perjodu twil, lil Milan. M’hemm l-ebda dubju li tim bhal Milan ghandu sahha kbira u dak li jghidu Milan ghandu effett hafna akbar minn dak li johorgu bih il-klabbs hekk imsejjha provincjali. Bis-sahha tal-midja warajhom Milan jistghu iwasslu l-messagg taghhom b’certu forza u l-pressjoni li jezercitaw huma tista’ twassal ghal rizultati perversi. Meta jkun hemm pressjoni b’mod konsistenti ir-referis jistghu jigu affetwati fis-sens li, minhabba l-importanza ta’ klabb bhal ma hu Milan u minhabba l-biza’ ta’ riperkussjonijiet kontrihom, jibdew, bla ma jridu, jaghtu l-beneficcju tad-dubju lil dan it-tim. Ma jkunx gust fuq klabbs ohra li minhabba s-sahha li ghandhom il-klabbs il-kbar u minhabba l-pressjoni li kapaci jezercitaw jibdew igawdu mill-beneficcju tad-dubju.

Il-munita ghandha zewgt ucuh u x-xenarju jista’ jkun differenti. Flok vantaggjati Milan, jew il-klabb koncernat, jista’ wkoll jigi zvantaggjat. L-ghajta persistenti li Milan qed jigu trattati ingustament mir-referis tista’ twassal ukoll biex dawk li jirreffjaw lil Milan jibdew joqoghdu aktar attenti halli ma jaghtux impressjoni li cedew ghall-pressjoni ta’ Milan u qed jippruvaw ipattu ghal dawn in-nuqqasijiet biex b’xi mod jidhru f’dawl ahjar.

Biex jifhem din is-sitwazzjoni wiehed ghandu jpoggi lilu nnifsu fiz-zarbun tar-referi li se jirreffja l-loghoba li jmisshom Milan fil-kampjonat. X’jaghmel jekk ikun hemm incident jahraq li dwaru jkollu dubju? Kif se jiddeciedi? Isaffar favur Milan ghax jibza’ mill-kritika jew isaffar kontra biex juri li ma giex influenzat mill-pressjoni li ghamlu Milan? Tkun xi tkun id-decizjoni tieghu mhux se tkun wahda gusta u mehudha b’mod oggettiv u r-rizultat jista’ jkun wiehed pervers.

F’dan kollu zewg affarijiet huma cari. L-ewwel li, b’xi mod jew iehor, il-pressjoni fuq ir-referis ma twassal imkien jekk mhux ghal aktar decizjonijiet zbaljati u ingusti. L-ohra hi li n-negattivita ma ggibx success. Milan kellhom bidu hazin fil-kampjonat izda dan zgur mhux dovut ghad-decizjonijiet tar-referis biss. Uhud mill-wirjiet taghhom kienu patetici u l-element ta’ inkonsistenza li qed naraw dan l-istagun hija xi haga mhux tas-soltu.

Jista’ jkun hemm hafna ragunijiet ghal l-hekk imsejjha krizi ta’ Milan. Wahda minn dawk principali hija li d-dirigenti zbaljaw il-kampanja akkwisti specjalment fl-attakk. Gilardino, ghalkemm jigu loghobiet fejn isib ix-xibka, mhux dak il-plejer li xtaqu Milan u l-klabb ma jistax jibqa’ jiddependi fuq Inzaghi. Milan sahhew l-attakk bil-Braziljan Ronaldo li kemm ilu maghhom aktar kien imweggha milli tajjeb ghal-loghob, u z-zaghzugh Pato li ma jistax jilghab qabel Jannar.

Galliani ma jistax jezonera ruhu minn dawn l-izbalji u jitfa l-htija kollha fuq ir-referis. L-attakk ta’ Milan ma jistax jitqabbel ma’ dak ta’ Inter u Juventus flimkien ma timijiet ohra. L-iskwadra ta’ Milan mhix kompleta u dan qed igieghel lil Ancellotti jutilizza lil Ambrosini fl-attakk. Barra minn hekk, fil-loghobiet home fejn ir-rebha tkun mistennija, Milan qed itellghu il-plejers ta’ nofs il-grawnd u d-difensuri laterali fl-attakk biex ipattu ghad-deficjenzi ta’ dan id-dipartiment. Minhabba f’hekk id-difiza qed tkun esposta u miftuha ghal kontrattakki tal-avversarji.

In-negattivita ma tghinx lil Milan johorgu mill-problemi li jinsabu fihom u ma tincentivax lill-plejers biex jistinkaw aktar halli jtellghu lil Milan fejn jixirqilhom. Bi skuza istituzzjonilzzata u ufficcjalizzata mid-dirigenti tal-klabb, il-plejers, inkonxjament, ma jhossux responsabbilta u ma jaccettawx il-fatt li jridu jkunu huma li jxammru l-kmiem biex ibiddlu r-rotta tat-tim. Milan ghandhom juzaw l-energiji taghhom biex jimmotivaw il-plejers taghhom u inisslu arja ta’ pozittivita. It-tim jista’ jkun qed ibati minn krizi ta’ kunfidenza u din hija element difficli li tirkupra. Il-koncentrazzjoni fuq l-izbalji tar-referis zgur li ma tghinx biex tissolva din il-problema.

Il-pozittiv fil-kamp ta’ Milan jezisti izda dan mhux jigi enfasizzat. Ronaldo rega’ beda jittrenja u kellu jkun fl-iskwadra ta’ Milan ghal loghoba tac-Champions League ta’ din il-gimgha kontra Shaktar Donetsk. Matul il-karriera tieghu il-fenomenu Braziljan kemm –il darba gie kkritikat minhabba l-kundizzjoni fizika tieghu izda jekk hemm klabb li mieghu Ronaldo jista’ jirritorna fl-aqwa forma tieghu huwa Milan. Il-Milan Lab huwa maghruf mal-Ewropa kollha u l-mod kif Milan juzaw ix-xjenza medika biex jiehdu l-ahjar mill-plejers taghhom huwa l-ghira ta’ kulhadd. Ghalhekk wiehed jistenna li r-ritorn ta’ Ronaldo jkun ghodda utli ghal Milan biex jergghu jaqbdu t-triq tas-success.

Jannar qed joqrob ukoll u hekk ikun wasal iz-zmien ta’ Pato li hafna huwa mistenni minnu. Fil-waqt li huwa mportanti hafna li ma tintefax pressjoni zejda fuq dan iz-zaghzugh Braziljan, kulhadd qed jistenna li l-fantasija tieghu tista’ taghti impetus gdid lit-tim ta’ Milan.

Milan iridu wkoll jaghmlu minn kollox biex izommu lil Kaka kuntent u jibdew billi jilghabuh fil-pozizzjoni preferuta tieghu. Kaka huwa l-aktar plejer importanti ta’ Milan u l-klabb ma jaffordjax ikompli jurta lil dan il-plejer li ghalih hemm il-bieb tal-Bernabeu miftuh berah jistennieh. Real Madrid habbru li qatghu qalbhom mill-akkwist ta’ Kaka minhabba li Milan mhux lesti jittrasferuh izda jekk l-istess Kaka jghid li jrid jitlaq ix-xenarju jinbidel.

Ma ninsewx ukoll lill-plejer zaghzugh iehor Gourcuff. Dan huwa wiehed minn dawk it-talenti li ghandu jinghata aktar cans biex jizviluppa fi plejer kbir. Il-potenzjal qieghed hemm izda dan qed jigi mxekkel minn hafna hin fuq il-bank tas-sostituti. Galliani kien weighed lil Gourcuff li mhux se jakkwista lil Emerson biex hu ikollu aktar spazju izda Emerson wasal u, meta jilghab, Gourcuff qed jigi utilizzat f’pozizzjoni insolita ghalih.

Huma dawn l-elementi li ghandhom jigu ndirizzati mid-dirigenza ta’ Milan. In-negattivita u t-tfiegh tar-responsabbilta fuq id-decizjonijiet tar-referis ma jwasslu mkien. B’aktar pozittivita u b’xi rtokki fl-iskwadra fis-suq ta’ Jannar l-istagun domestiku ta’ Milan jista’ ma jkunx mitluf.

Il-Football fir-Russja

Ir-rebha tar-Russja fuq l-Ingilterra f’Moska fil-loghoba ta’ kwalifikazzjoni ghall-Kampjonati Ewropej wasslet ghas-soltu kritika fuq il-kowc tat-tim nazzjonali Ingliz u fuq it-tim innifsu. Il-midja internazzjonali, partikolarment dik Ingliza, fethet attakk sfrenat kontra McClaren, it-tim u l-futbol Ingliz in generali.

Din il-kritika, fejn kienet kostruttiva, kienet gusta izda l-attenzjoni fuq l-aspett negattiv tat-tim nazzjonali Ingliz tfiet fattur iehor li qed johrog fic-car bil-mod –il mod u dan huwa l-progress li qed jaghmel b’mod gradwali il-futbol fir-Russja.

Fuq quddiem fl-imbuttatura lill-futbol Russu hemm il-biljunarju Roman Abramovich. Abramovich mhux l-ewwel darba li gie kkritikat li flusu nvestihom barra r-Russja u nesa ‘l futbol f’pajjizu izda dan huwa ferm ‘il boghod mill-verita. Abramovich qed jaghmel hafna biex jghin ‘il futbol Russu jimxi ‘l quddiem u minbarra li ffinanzja t-twaqqif tal-akkademja nazzjonali, kien strumentali wkoll biex l-Olandiz Gus Hiddink sari il-kowc tat-tim nazzjonali Russu. Abramovich ghandu pjan li jbiddel il-futbol fir-Russja sas-sena 2014 bl-ewwel fazi tilhaq il-kulminu taghha fit-Tazza tad-Dinja tal-2010.

Gus Hiddink huwa centrali fil-pjan ta’ Abramovich u wiehed jista jghid li dan huwa l-ahjar haga li qatt setghet tigri lill-futbol Russu fl-ahhar snin. Dan il-kowc bravu jinsab kuntent hafna fir-Russja u dan huwa kkonfermat mill-fatt li ghadu kif iffirma kuntratt gdid ta’ sentejn mal-federazzjoni Russa. Hiddink qed ihares lejn l-avventura tieghu fir-Russja mhux biss bhala l-bniedem li qed imexxi t-tim nazzjonali izda bhala missjoni biex jiehu l-futbol fil-pajjiz fuq livelli oghla.

Ironikament Hiddink kien issemma’ li jista’ jsir il-kowc tat-tim nazzjonali Ngliz wara Sven Goran Eriksson izda meta nhatar kowc tar-Russja huwa ddikkjara li huwa ferm kburi li nghata c-cans li jikkontribwixxi biex jizviluppa l-futbol Russu u jerga’ jaghmel ir-Russja forza fil-futbol internazzjonali. Il-Federazzjoni Russa u Hiddink gharfu li t-tim nazzjonali huwa biss il-faccata li tirraprezenta dak li jkun ghaddej fil-futbol domestiku. Il-livell tat-tim nazzjonali huwa rizultat tal-livell tal-gheruq tal-futbol tal-pajjiz u Hiddink jaf tajjeb li biex joghla l-livell ma’ tistax thares lejn it-tim nazzjonali wahdu u izolat minn dak li qed jigri madwaru. Minhabba f’hekk Hiddink regolarment jattendi laqghat tal-oghla ufficcjali tal-Federazzjoni Russa. Huwa tkellem ukoll fit-tul ma’ rapprezentanti tar-regjuni differenti fir-Russja u sema’ l-ilmenti u s-suggeriminti taghhom dwar x’ghandu jsir biex jitjieb il-futbol fil-pajjiz. Hiddink se jkun involut fl-organizzazzjoni li minn wara l-Kampjonati Ewropej tal-2008 se tibda tahdem biex ittejjeb il-kundizzjonijiet u l-loghoba infisha mill-bazi u x-xoghol se jibda mill-klabbs, organizazzjonijiet regjonali u mbaghad il-federazzjoni nazzjonali. Din hija r-ricetta ideali biex jitjieb il-football fil-pajjiz. Jekk ix-xoghol jibda mill-qiegh nett il-frott jibda gej wahdu. Inutli jsir hafna xoghol fuq il-pakkett ta’ barra jekk fl-istess pakkett il-kontenut ikun imnawwar.

Dak li gara fil-loghoba bejn ir-Russja u l-Ingilterra hareg kuntrasti kbar bejn iz-zewg pajjizi. L-Ingilterra, li suppost hija omm il-loghoba tal-futbol, uriet li fil-livell ta’ tim nazzjonali ghandha stil rigidu bi plejers li jhossuhom komdi f’sistema wahda biss u m’humiex kapaci jadattaw il-loghoba u s-sistema taghhom skond ic-cirkostanzi u l-oppozizzjoni.

Id-differenza bdiet minn qabel il-loghoba fejn l-ilmenti fil-kamp tat-tim nazzjonali Ngliz kienu dwar il-problemi ta’ injuries ta’ John Terry u Ashley Cole flimkien ma’ Emile Heskey li rritorna fl-iskwadra nazzjonali wara ezilju pjuttost twil. Dawn l-ilmenti jaslu fid-dawl tal-fatt li suppost il-kowc tat-tim nazzjonali Ingliz ghandu hafna aktar kwalita u kwantita minn fejn jaghzel milli r-Russja izda l-kummenti li hargu mir-Russja dwar l-injuries taghhom kienu ferm differenti.

Il-kowc Gus Hiddink tkellem dwar il-fatt li tilef liz-zewg midfielders Vladimir Bystrov u Ivan Saenko izda qal li din m’ghandhiex tkun problema. Hiddink ikkummenta li jista’ jkun li jkollu bzonn ibiddel xi ftit l-istil u l-istruttura tat-tim izda dan m’ghandux ikun problema ghall-plejers tieghu ghax huma flessibbli bizzejjed biex jadattaw ruhhom. Fi tnax –il xahar Hiddink bidel il-mentalita tat-tim Russu u l-plejers tieghu urew li kapaci jilgahbu bi tlieta, erba’ jew hamsa fid-difiza u l-istess f’nofs il-grawnd u b’wiehed, tnejn jew tlieta fl-attakk. Fi snin twal ta’ storja tal-futbol Ingliz din il-flessibilita ghadha ma dahlitx fil-mentalita Ingliza.

McClaren laghab b’zewg difensuri laterali li l-pozizzjoni naturali taghhom hija ta’ difensuri centrali izda dawn urew li, kuntarrju ghar-Russi, m’humiex flessibbli u n-nuqqas ta’ adattabilita tal-plejers kien ovvju ghal kullhadd b’Hiddink jghid li hu ha gost bil-formazzjoni ta McClaren ghax seta jisfrutta l-faxex, specjalment in-naha ta’ Joleon Lescott.

Hiddink qed jibda era gdida fit-tim nazzjonali Russu billi jsejjah plejers zghazagh li, fi kliemu stess, lesti li jaghtu kollox ghat-tim. Dawn huma plejers li Hiddink jista jghagen il-formazzjoni taghhom u m’ghandhomx kumplessi ta’ superjorita. Dawn il-plejers m’humiex plejers b’ideat rigidi ta’ kif ghandhom jilghabu l-loghoba izda huma miftuhha ghal ideat u sistemi godda li jkunu jinkludu l-obbligu li jilghabu f’pozizzjonijiet li mhux bil-fors ikunu mdorrijin fihom.

Il-futbol domestiku fir-Russja ukoll ha spinta ‘il quddiem. Minkejja li l-klabbs forsi ghadhom ‘il boghod milli jiccalingjaw bis-serjeta f’kompetizzjonijiet bhac-Champions League, zgur li fl-ahhar ftit snin il-livell u l-profil tal-futbol Russu ghamel passi ta’ ggant ‘il quddiem. Is-sors ta’ dan il-progress huma il-biljunarji li ghamlu fortuni kbar mill-privatizazzjoni tal-industriji tal-istat. Abramovivh kien attur principali f’dan is-settur ukoll ghax kien hu li fl-2003, permezz tal-kumpanija li dakinhar kienet tieghu Sibneft, sponsorja lil CSKA Moscow bi hdax –il miljun lira sterlina fis-sena biex ghin lil dan il-klabb ikollu bagit ta’ 27.5 miljun sterlina fis-sena. Permezz ta’ dan il-bagit, fis-sena 2004, CSKA setghu jakkwistaw lill-Braziljan Wagner Love minghand Palmeiras ghal 5.7 miljun lira sterlina li kienet soma rekord ghall-klabb. Love skorja seba’ gowls fl-ewwel hdax –il loghoba tieghu ma’ CSKA u ghadu wiehed mill-aktar plejers importanti fit-tim.

Dak li ghamel Abramovich kellu effett fuq biljunarji ohra li wkoll iddecidew li jinvestu fil-futbol. Fl-2004 Spartak Moscow nefqu s-somma rekord ghall-futbol Russu- 7.7 miljun lira sterlina- ghall-attakkant ta’ River Plate Fernando Cavenaghi fil-waqt li Dynamo Moscow akkwistaw plejers bhal Maniche, Costinha u Derlei minghand Porto wara li dawn kienu rebhu c-Champions League. Fil-bidu tal-“boom” ekonomiku Lokomotiv Moscow irnexxielhom jakkwistaw lil Dmitry Sychev minghand il-klabb Franciz Olimpique Marseilles. Il-klabb ta’ Terek Grozny, li huwa bbazat fic-Cecnija, ukoll qed jirnexxielu jkollu bagit ta’ 16 –il miljun lira sterlina fis-sena. Ghall-klabbs Ewropej din hija somma redikola imma fl-istess hin, sa ftit ilu, kienet ukoll somma immaginabbli ghal-klabb mir-regjun mifni bil-gwerra bhalma hu ic-Cecneja.

Matul is-Sajf li ghadda CSKA Moscow hadu lid-difensur Braziljan Ratinho minghand Corinthians fil-waqt li nefqu ftit aktar minn erba’ miljun Ewro fil-Pollakk Dawid Janczyk minghand Legia Warsaw. Lokomotiv Moscow nefqu ghaxar miljun Ewro biex hadu lin-Nigerjan Odemwingie minghand il-Francizi Lille u akkwistaw gowlkiper Braziljan. Lokomotiv ghandhom maghhom ukoll lill-gowlkiper Taljan Ivan Pellizzoli. FC Moscow ukoll investew fi plejers Sud Amerikani bl-akkwisti ta’ Maxi Lopez minghand Barcelona u Maximiliano Moralez minghand Racing Club Avellaneda. Il-gowlkiper internazzjonali Kroat Stipe Pletikosa ghazel li jilghab fir-Russja fejn iffirma ma’ Spartak Moscow.

Dawn huma biss ftit mit-tasferimetni li kienu jinvolvu plejers jew klabbs barranin. It-trasferimenti forsi ma jinvolvux ismijiet dashekk maghrufa mal-Ewropej fil-waqt u l-prezzijiet imhallsa mhux dejjem ilahhqu mal-oghla transazzjonijiet fl-Ewropa. Madanakollu dawn l-akkwisti jitfghu sinjal li s-suq tal-futbol Russu m’ghahdux l-istess u l-klabbs bdew jixirfu rashom minn wara l-purtiera tal-hadid biex jakkwistaw plejers minn barra l-pajjiz. It-trasferimenti juru wkoll qaghda finanzjarja tajba fil-klabbs Russi ghax huwa mifhum li biex plejers minn pajjizi bhan-Nigerja jew pajjizi tal-Amerika t’Isfel u sahansitra l-Italja jmorru jilghabu fil-klima u l-kundizzjonijiet Russi, bil-fors li qed jigu attratti mill-pakkett finanzjarju li jigu offruti. Dan jikkonfermah l-ex plejer ta’ Chelsea Alexei Smertin li qal li fil-prezent il-pagi tal-ahjar klabbs fir-Rusjja jikkomparaw tajjeb hafna ma’ dak li jigi offrut fl-Ewropa.

Il-plejers barranin li qed imorru fir-Russja llum m’humiex plejers skartati minn klabbs ohra Ewropej izda plejers ta’ talent u abbilita tekninka li qed jghinu lil futbol Russu jkompli jimxi ‘l quddiem. Il-plejers zghazagh Russi qed ikunu esposti ghall-kulturi u sistemi differenti u qed jitghallmu hafna minghand dawn il-plejers. Il-frott ta’ dan qed jidher kemm fil-livell tal-kampjonat u kif ukoll it-tim nazzjonali immexxi minn Hiddink.