MANIGER GDID GHAL NEWCASTLE

“Xtrajt lil dan il-klabb biex niehu gost imma ma tantx kont qed niehu gost. Issa ghamilt dak li messni ghamilt fil-bidu u ddecidejt li mmexxi ‘l klabb kif nixtieq jien”. Dawn kienu l-ewwel kummenti li ta is-sid ta’ Newcastle United Mike Ashley wara t-tkeccija tal-maniger Sam Allardyce.

Ashley qal li meta xtara lil Newcastle United l-istint tieghu kien li jdahhal grupp ta’ nies maghzula minnu biex imexxu t-tim izda hu injora l-istint u halla n-nies li kien hemm qabel. Ashley qal li hu jrid tim li jhabbatha ma’ Chelsea u Manchester United u sal-lum nefaq madwar 250 miljun lira sterlina biex jara l-holma tieghu issir realta. Ir-rizultati ghamluha ovvja li l-klabb ma kienx miexi fid-direzzjoni biex din il-holma ssehh.

Mike Ashley huwa sid differenti ghal kollox mis-sidien l-ohra tal-klabbs Inglizi. Ashley xtara l-klabb izda qaghad kemm jista jkun ‘il boghod mit-tmexxija ta’ kuljum. Il-klabb qed jitmexxa mic-cermen Chris Mort u Ashley s’issa pprefera jagixxi ta’ partitarju fejn rajnieh isegwi l-loghob ta’ Newcastle minn qalb it-Toon Army liebes il-flokk tal-Magpies. Kif jghid hu stess, Ashley ma tantx ihossu komdu mal-etikett u l-protokoll li jimxu fuqu dirigenti ohra ta’ klabbs u jippreferi jkun mal-partiarji milli qalb il-glekkijiet u l-ingravati.

Ashley qed jipprova jghix f’utopija fejn il-passjoni ghat-tim hija kollox. Ir-realta hija differenti hafna minn hekk u fil-futbol tal-lum id-decizjonijiet li jittiehdu fil-boardrooms u l-politika li tezisti fil-loghoba huma element importanti daqs dak li jigri fil-picc. Sid ta’ klabb irid juri l-awtorita tieghu u jkun assertiv fit-tmexxija tal-klabb ghax fin-nuqqas ta’ dan, bil-mod il-mod, tibda diehla l-apatija, l-indifferenza u n-nuqqas ta’ motivazzjoni f’setturi different tal-klabb li jirriflettu wkoll fir-rizultati.

Illum mhux se nidhlu fil-mertu dwar jekk Ashley ghamilx tajjeb jew le li nehha lil Allardyce. Dan ktibna dwaru diga. Is-success ta’ Allardyce kien li stabilixxa lil Bolton fil-Premiership izda l-partiarji u l-klabb ta’ Newcastle jixirqilhom ferm aktar minn hekk. Allardyce huwa kowc pjuttost difensiv u dan imur kontra l-mentalita tal-klabb u l-partitarji li jippretendu li jaraw futbol offensiv u attraenti.

Il-fatt li Allardyce ma kienx l-ghazla ideali ta’ Newcastle ma jistax jitqies bhala responsabbilta ta’ Ashley ghax dan ma kienx l-ghazla tieghu. Ir-responsabbilta tieghu kienet meta, kif qal hu stess, ma hatarx lin-nies li xtaq hu mill-ewwel. Imma issa dan ghadda u Ashley qed jiffaccja responsabbilta gdida. Il-biljunarju li fl-eta ta’ 41 sena huwa stmat li ghandu madwar 1.6 biljun lira sterlina, irid jahtar il-bniedem li ghandu jwassal biex il-holma ta’ kull min ghandu ghal qalbu il-klabb tan-naha ta’ fuq tal-Ingilterra issir realta u Newcastle jergghu jibdew jilghabu futbol attraenti u fuq kollox jitqiesu bhala kontendenti ghall-unuri.

Din l-ghazla mhux se tkun wahda facli u Ashley irid joqghod attent kontra zewg ghedewwa kbar li ghandu kontrih. Dwn huma n-nuqqas ta’ esperjenza fit-tmexxija ta’ klabb tal-futbol u l-passjoni li ghandu lejn l-istess klabb.

In-nuqqas ta’ esperjenza kien diga hareg car qabel it-tkeccija ta’ Allardyce. Kif diga ghidna, fil-waqt li s-sapport minn qalb il-partitarji jista’ jinzel tajjeb mal-istess partitarji, din mhux tip ta’ tmexxija effettiva ghax min irid ‘il klabb tieghu jimxi ‘l quddiem ghandu jkollu x’jaqsam aktar mat-tmexxija diretta tal-klabb u jkun fil-qalba ta’ dak kollu li jkun ghaddej fil-kuriduri tal-poter.

Dan in-nuqqas ta’ esperjenza kompla deher bir-rifjut ta’ Harry Redknapp li ma laqghax l-offerta ta’ Newcastle u pprefera jibqa’ jmexxi lil Portsmouth. Illum hareg bic-car li Redknapp kien l-ewwel ghazla ta’ Ashley. Iz-zewg partijiet tkellmu fuq il-possibilta li Redknapp isir il-maniger il-gdid ta’ Newcastle izda wara ftit jiem ta’ kunsiderazzjoni il-maniger ta’ Portsmouth iddecieda li jibqa’ fejn hu. Din id-decizjoni hasdet ghal kollox lil Ashley u shabu li immaginaw li l-attrazzjoni tal-isfida li joffri l-klabb taghhom u s-salarju offrut kienu se jkunu bizzejjed biex jikkonvincu lil Redknapp. Redknapp pero hasibha mod iehor u dan kollu wera li d-dirigenti ta’ Newcastle ma kienux ghamlu x-xoghol preparatorju qabel nehhew lil Allardyce mill-kariga tieghu.

Forsi Newcastle bezghu minn dak li gara lil Tottenham meta dawn inkixfu li kellmu lil Juande Ramos meta Martin Jol kien ghadu fil-kariga tieghu. F’dinja ideali dawn l-affarijiet ma jsirux izda l-futbol jinsab f’dinja reali u mhux ideali. Tottenham gew imsallba mill-midja Ingliza meta nkixfu n-negozjati ma’ Ramos izda dak li jinteressa lill-klabb kien li hekk kif telaq kowc, kien hemm iehor lest biex jehodlu postu.

L-istess jidher li qed jaghmlu Liverpool. Minkejja d-dikjarazzjonijiet pubblici dwar futur garantit ghal Benitez mal-klabb, il-kurrenti li hemm ghaddejin minn wara l-kwinti jixhdu mod iehor. Kif qalu diversi manigers, inkluz Allardyce, huma jahdmu f’business tar-rizultati u jekk dawn ma jigux ikunu qed jissugraw posthom. Ir-rizultati ghal Benitez mhux jigu u l-holma tal-bidu tal-istagun li Liverpool ikunu fost il-favoriti ghar-rebh tal-kampjonat bdiet tisfuma fix-xejn.

Tom Hicks, li huwa wiehed miz-zewg sidien ta’ Liverpool, qal li Liverpool kienu tkellmu ma’ Jurgen Klinsmann qabel dan iddecieda li jsir il-kowc ta’ Bayern Munich mill-istagun li gej. Hicks qal li f’Novembru, meta Liverpool kienu sejrin hazin fil-kampjonat u kien hemm nuqqas ta’ komunikazzjoni bejn is-sidien u Benitez, huma ddecidew li jitkellmu ma’ Klinsmann. Hicks qal li ppruvaw jorbtu lill-ex kowc tat-tim nazzjonali Germaniz biex jinghaqad maghhom f’kaz li Benitez jiddeciedi li jhalli l-klabb izda z-zewg partijiet qatt ma waslu ghal dan il-ftehim.

Hicks kompla li wara dan kien hemm laqghat ohra ma’ Benitez fejn gew iccarati d-differenzi kollha mal-maniger Spanjol u issa kulhadd jinsab wara Benitez biex Liverpool jiskbu s-success. Jekk Hicks u Gillette riedux lil Klinsmann f’kaz li jitlaq Benitez jew inkella ppruvawx jikkonvincuh jinghaqad maghhom biex ikunu jistghu inehhu lil Benitez jafuh Hicks u Gillette biss. Hi x’inhi l-verita, il-fatt jibqa’ li Hicks u Gillette riedu jkunu certi li f’kaz li Benitez ma jibqax maghhom, il-klabb ikollu maniger lest biex jehodlu postu. Newcastle m’ghamlux hekk u r-rifjut ta’ Redknapp hallihom ifittxu maniger gdid.

L-ghadu l-iehor li ghandu Ashley huwa l-passjoni li ghandu hu stess ghall-klabb ta’ Newcastle. Ashley qal li jrid lit-tim tieghu jerga’ lura ghall-istil li kienu jilghabu bih that il-maniger Kevin Keegan ghax skond hu, dak iz-zmien Newcastle kienu jilghabu futbol li jigi ammirat minn kulhadd. Dan jista’ jkun minnu izda b’dan il-futbol attraenti kollu Newcastle xorta qatt ma rebhu xejn u meta kienu qrib li jirbhu l-kampjonat irnexxielhom jitilfu vantagg sostanzjali fl-ahhar ftit loghobiet biex it-tragward finali intlahaq minn Manchester United.

Il-futbol ta’ Keegan kien attraenti u offensiv izda dan ma kienx garanzija tas-success. In-nuqqas ta’ tatticizmu kien car u llum dan sar element importanti aktar milli kien fi zmien Keegan. Ashley nsista li hu jrid ikun parti mill-passjoni li jiggenera l-klabb ta’ Newcastle izda din il-passjoni m’ghandhiex isservi ta’ ghamad quddiem ghajnejh meta jigi biex jiddeciedi dwar il-maniger li jmiss. Keegan, Alan Shearer u anki Graeme Souness huma fost dawk li qed jissemmew li jistghu jiehdu t-tim f’idejhom.

Jista’ jkun li dawn huma biss spekulazzjoni u l-miri ta’ Ashley huma differenti ghal kollox minn dak li qed tirraporta l-midja. Madanakollu il-mod li bih qed jitkellem Ashley bil-fors igieghlek tahseb f’dawn il-meqjusa leggendi ta’ St. James Park.

F’dawn ic-cirkostanzi Ashley irid ihalli qalbu fil-genb u jiddeciedi b’mohhu. Il-fatt li Alan Shearer ghamel isem kbir bhala plejer ma’ Newcastle ma jaghti l-ebda garanzija li se jkun maniger tajjeb fil-waqt li r-rekords u l-karatteristici ta’ Keegan u Souness ma tantx jawguraw li St.James’ Park jista’ jerga’ jara l-glorja taht xi hadd minnhom.

Ashley ghandu jmur ghal-maniger kontinentali ta’ stoffa u li diga rebah. Kif nghidu dejjem biex klabb kbir ikollu s-success irid ikollu kowc kbir. Jekk irid jirbah Ashley irid jahseb kbir u jgib maniger li jista jikseb ir-rispett tal-plejers. Irid ikun kowc li l-plejers iharsu lejh bhala xi hadd li jaf kif ghandu jirbah u jemmnu li bhal ma wasal ghas-successi ma’ klabbs ohra jista’ jasal ukoll bihom. Dan ma setgghux jaghmluh ma’ Allardyce ghax dan qatt ma rebah xejn. B’kowc b’rekord tajjeb fix-xena domestiika w internazzjonali il-plejers ikunu aktar motivati biex jilghabu ghalih ghax jemmnu li jistghu jaslu ghas-success.

Wahda mill-problemi ta’ Newcastle dejjem kienet li, minkejja li jonfqu l-miljuni, dejjem hadu plejers li, ghalkemm ikunu ta’ isem, ikunu gew skartatai mill-klabbs li jirbhu. Jekk Ashley irid jikkompeti ma Chelsea, Manchester United, Liverpool u Arsenal ma jistax jixtri plejers li jkunu gew skartati minn dawn l-istess timijiet. B’kowc ta’ certu profil u isem il-klabb jista’ jsir aktar attraenti ghal plejers kbar u hekk jibdew jigu akkwistati plejers li verament jaghmlu d-differenza ghal Newcastle.

Jekk Newcastle igibu kowc minn barra l-Ingilterra hadd ma jista’ jakkuzahom li mhux qed jaghtu cans lill-kowcis Inglizi. L-ewwel mira ta’ Newcastle kienet maniger Ingliz izda dan m’accettax l-isfida. Smajna hafna gustifikazzjonijiet minn Redknapp stess u minn ohrajn li ddefendewh. Fosthom hemm l-eta, il-fatt li Newcastle huwa ‘l boghod minn Portsmouth, il-familja, il-lealta tieghu lejn il-plejers u l-klabb ta’ Portsmouth u hafna ohrajn.

Redknapp kellu kull dritt jiehu d-decizjoni li ha izda f’termini ta’ futbol jibqa’ l-fatt li wiehed mill-akatr kowcis Inglizi meqjusa tajbin kellu cans li jiehu f’idejh klabb kbir u jerga’ jwasslu ghall-glorja li tixraqlu izda pprefera l-hajja komda ma’ Portsmouth fejn m’ghandu l-ebda pressjoni u hadd ma jistenna xejn straordinarju minnu.

Is-Suq ta' Jannar fl-Ingilterra

Dan l-artiklu gie pubblikat f' L-Orizzont tal-Hamis 10 ta' Jannar 2008

Kif ghidna l-gimgha l-ohra iz-zmien tal-festi tal-Milied, flok mistrieh, igib aktar intensita ta’ loghob fl-Ingilterra. Il-loghob fil-grawnd pero mhux l-uniku azzjoni li tkompli ghaddejja ghax max-xahar ta’ Jannar fetah wkoll is-suq tat-trasferimenti li fl-ewwel jiem tieghu diga huwa movimentat mhux hazin. Ghalkemm ghadu ma ccaqlaq l-ebda plejer ta’ isem kbir, l-ahbarijiet u xnieghat dwar dak kollu li jista’ jigri matul Jannar jinsabu fl-aqwa taghhom.

Wiehed mill-aktar ismijiet li qed jissemmew fl-Ingilterra huwa l-internazzjonali Bulgaru ta’ Tottenham Dimitar Berbatov. Skond rapporti li jidhru kuljum fuq il-midja Ingliza f’dan il-plejer hemm interessati Manchester United, Chelsea u anki Manchester City. Ma’ dawn issemmew ukoll klabbs Ewropej bhal Inter, Milan u Real Madrid.

M’hemm l-ebda dubju li plejer tal-kwalita ta’ Berbatov jinteressa lill-aqwa klabbs fl-Ewropa izda wiehed irid jara kemm, mill-ahbarijiet li johorgu, huma veritieri u kemm huma purament spekulazzjoni. Fost l-akbar sorsi ta’ xnieghat dwar Berbatov hemm l-agent tal-plejer stess Emil Danchev u l-midja Bulgara. Danchev ghandu kull interess li jqajjem din l-ispekulazzjoni. Ir-rizultat jista’ jkun li jirnexxielu jwassal ghat-trasferiment li minnu hu jiehu persentagg tajjeb jew inkella igieghel lil Tottenham itejjbu l-kuntratt tal-Bulgaru.

Min-naha taghha l-midja sportiva Bulgara tikkoncentra hafna fuq dan il-plejer u regoalrment tistieden sahansitra membri tal-familja ta’ Berbatov biex imbaghad, bil-mod li jitpoggew l-mistoqsijiet, dawn jispiccaw jaghtu risposti li jkunu jistghu jigu nterpretati u mghawwga kif jaqbel lill-midja.

Tottenham diga qalu li m’ghandhom ebda intenzjoni inehhu lil dan il-plejer. Il-maniger Juande Ramos qal l-istess haga sakemm ma jkunx hemm xi offerta fenomenali li tikser ir-rekord tas-suq Ingliz jigifieri aktar minn 30 miljun lira sterlina. Berbatov cahad dawn ix-xnieghat darbtejn u din il-gimgha rega’ qa li xeba’ jara stejjer u spekulazzjoni bla sens dwar il-futur tieghu. Berbatov qal li hu kuntent ma’ Tottenham u m’ghandu l-ebda hsieb li jitlaq f’Jannar.

Fl-istess hin pero huwa ma ddizassoccjax ruhu mill-agent tieghu li qieghed dejjem izid id-doza tal-ispekulazzjoni. X’inhi l-verita? Dimitar Berbatov huwa plejer tal-kelma u jifhem li ghandu jkun lejali lejn Spurs li tawh ic-cans jispikka fix-xena internazzjonali. Jaf ukoll li biex jibqa’ mahbub mill-partitarji u mill-klabb ma jistax johrog jghid li jekk jigi xi klabb bhal Manchester United ghalih hu jkun interssat jiccaqlaq. Min-naha taghhom Tottenham qeghdin f’sitwazzjoni finanzjarja f’sahhitha u m’ghandhomx ghalfejn ibieghu plejers. Jafu wkoll li l-kuntratt ta’ Berbatov fadallu biex jispicca u ghalhekk mhux qed jirriskjaw li jitilfu lil dan il-plejer b’xejn.

Min-naha l-ohra fil-futbol qatt ma tista’ tghid qatt u jekk ikun hemm xi offerta straordinarja jista’ jigri kollox. Tottenham ma jistghux ma jikkonsidrawx offerta li permezz taghha jistghu ikomplu jsahhu t-tim fil-waqt li l-ebda plejer fid-dinja mhu se jibqa’ biered quddiem xi offerta li ttih ic-cans jirbah l-aktar unuri mportanti fil-futbol. L-uniku element li jista’ jahdem kontra trasferiment eventwali huwa l-ammont ta’ dikjarazzjonijiet li ghamlu Spurs fis-sens li mhux se jnehhu lil Berbatov. Dawn id-dikjarazzjonijiet jistghu jaghmluha difficli ghall-klabb li jmur lura minn kelmtu quddiem il-partitarji minkejja l-fatt li l-offerta tista’ tkun wahda vantaggjuza ghal kullhadd.

Il-lijders tal-klassifika Arsenal ma tantx jidhru li se jkunu involuti f’dan is-suq ghalkemm is-skiet jista’ jkun il-preludju ghal tempesta u ma tkunx xi sorpriza jekk Arsene Wenger jaghmel xi trasferiment mhux mistenni u jkompli jgib aktar talenti li kienu mohbija lejn il-Premiership. Harsa lejn l-ahhar ftit snin tindika li wiehed mill-aqwa akkwisti li saru f’Jannar sar propju minn Arsenal meta dawn hadu lil Adebayor minghand Monaco. Wiehed irid jghid ukoll li f’dawn il-gimghat donnu qed isib postu mal-Gunners l-attakkant akkwistat fis-Sajf Eduardo. Wara gimghat ta’ incertezza Eduardo qed jadatta ruhu ghal futbol Ingliz u qed isir plejer importanti ghal Arsenal. Ghal Wenger se jkun qisu akkwist gdid ta’ Jannar.

Tezisti l-possibilta li Arsenal ikunu nvoluti f’bejgh ta’ plejers fejn hemm rapporti li Gilberto, Lassana Diarra u Diaby m’humiex kuntenti minhabba n-nuqqas ta’ opportunitajiet fl-ewwel tim. Il-maniger ta’ Arsenal se jitlob lil dawn il-plejers biex ikunu aktar pacenzjuzi u jistennew ic-cans taghhom izda jekk huma ma jaccettawx is-sitwazzjoni Wenger mhux se jiddejjaq inehhihom mill-Emirates. Plejers mhux kuntenti jistghu ihassru l-ispirtu tal-iskwadra u l-maniger Franciz zgur mhux se jaccetta sitwazzjoni bhal din.

Id-decizjoni dwar dawn il-plejers tista’ tigi afettwata mit-Tazza tan-Nazzjonijiet Afrikani li tibda fl-20 ta’ dan ix-xahar f’Ghana. Arsenal se jitilfu lil Kolo Toure, Emanuel Eboue u Alexande Song u minhabba f’hekk Gilberto, Diarra w Diaby jistghu ikollhom aktar c-cans li jilghabu fl-ewwel hdax. Barra minn hekk Wenger jista’ jaghzel li ma jitlifx aktar aktar plejers u jiddeciedi li jzommhom mal-klabb almenu sa tmiem l-istagun.

It-Tazza tan-Nazzjonijiet Afrikani mhux se taffetwa biss lil Arsenal. Din il-kompetizzjoni jista’ jkollha effett kemm fuq is-suq tat-trasferimenti u kif ukoll fuq l-andament tal-istagun ghal numru ta’ timijiet. B’kollox se jkun hemm madwar 38 plejer mill-Premiership li se jmorru jilghabu fil-Ghana u timijiet bhal Chelsea, Newcastle, Everton, Portsmouth u Birmingham se jkunu fost l-aktar affetwati. Mikel, Drogba, Kalou u Essien se jhallu lil Chelsea fil-waqt li Newcastle se jitilfu lil Martins, Geremi, Faye u Beye. Minn Goodison Park se jitilqu Yobo, Yakubu u Pienaar u Portsmouth se jkollhom jghaddu minghajr is-servizzi ta’ Diop, Kanu, Utaka u Muntari. Birmingham se jkunu minghajr Kingson, Nafti u Jaidi. Fost il-plejers l-ohra mportanti li se jhallu l-Premiership ghat-Tazza tan-Nazzjonijiet Afrikani hemm ukoll Zokora (Tottenham), Diouf (Bolton), Mido (Middlesbrough), Sonko (Reading) u Camara (West Ham). Dawn kollha w’ohrajn jistghu iwasslu biex il-klabbs taghhom ikunu attivi fis-suq tat-trasferimenti halli jpattu ghal nuqqasijiet importanti.

Suq interssanti ghandu jkun dak ta’ Liverpool. Wara n-nuqqas ta’ qbil dwar l-investiment fi plejers bejn il-maniger Rafa Benitez u s-sidien tal-klabb, ikun interessanti li wiehed isegwi minn se jkun rebah il-glieda psikologika bejn iz-zewg partijiet. Benitez ghamilha cara li jrid aktar sapport finanzjarju u fost il-miri tieghu hemm difensur centrali ta’ klassi u Javier Mascherano li ghadu mhux propjeta ta’ Liverpool.

Dwar dawn iz-zewg akkwisti Benitez ghandu ragun biex ibiegh. Difensur centrali ta’ klassi ghandu jkun prriorita ghall-klabb fil-waqt li tkun hasra kbira jekk Liverpool jitiflu plejer tal-klassi ta’ Mascherano li fir-rwol tieghu huwa wiehed mill-aqwa plejers fl-Ewropa. Izda Benitez zbalja meta ha l-glieda tieghu barra l-hitan tal-ufficcji amministrattivi ta’ Anfield. Wara li, b’risposta ghal Benitez, is-sidien tal-klabb qalu li huma jridu jaraw fejn jista’ jasal it-tim bil-plejers li hemm bhalissa, huma se jsibuha diffcli li jibilghu kliemhom u jergghu jinvestu bil-kbir.

Benitez uza tattika hazina meta qal pubblikament li mhux kuntent bl-investiment fil-plejers u li bis-sistema kif inhi fil-prezent ma jistax ilahhaq ma’ klabbs bhal Manchester United. L-infiq ta’ Benitez ma jaghmilx ghajb lil dawk ta’ klabbs ohra u mhux gust li s-sidien ta’ Liverpool jigu akkuzati b’nuqqas ta’ investiment. Benitez inghata l-fondi mehtiega u l-ghazliet tal-akkwisti kienu prerogattiva tieghu. Il-maniger irid jerfa’ ftit mir-responsabbilita tar-rizultati ghax dawn qed jigu bil-plejers li xtara hu minghajr indhil u bis-sapport finanzjarju mehtieg. Huwa minnu li fic-cirkostanzi it-tim ghandu bzonn diifensur u lil Mascherano izda bil-mod kif mexa Benitez jista’ jkun li ghamel il-pozizzjoni tieghu stess aktar difficli.

Il-maniger ta’ Manchester United Sir Alex Ferguson qal li mhux se jakkwista plejers matul dan ix-xahar izda, bhal fil-kaz ta’ Wenger, ma tkun l-ebda sorpriza jekk Manchester United jaghtu xi sorpriza pozittiva lill-partitarji taghhom u jaghmlu xi akkwist importanti. Minkejja li jidher li se jkun difficli, Berbatov zgur se jibqa’ msemmi bhala wiehed mill-miri tar-Red Devils fil-waqt li attakkant iehor li nistghu narawh f’Old Trafford huwa Nicolas Anelka ta’ Bolton.

Il-prezz ta’ dan il-plejer mhux projbittiv daqs ta’ Berbatov u Anelka huwa attakkant tekninku u prolifiku fil-waqt li diga huwa ppruvat fil-futbol Ingliz. Ferguson irid isolvi wkoll il-problema ta’ Wes Brown li qed jirrifjuta li jiffirma kuntratt gdid mal-klabb. Il-maniger Skocciz qed jaffronta d-dilemma jekk izommx plejer utli u li ghandu bzonn sa tmiem l-istgun fejn imbaghad aktarx jitilfu b’xejn jew inkella jbieghx ‘il plejer matul dan ix-xahar. S’issa jidher li Ferguson qed jiddeciedi favur tal-ewwel u diga irrifjuta offerta minghand Newcastle ghal dan il-plejer.

Jekk Manchester United iridu jakkwistaw lil Anelka iridu jhaffu ghax f’dan il-plejer hemm interessati wkoll Chelsea. Din il-gimgha Bolton irrifjutaw l-ewwel offerta ta’ Chelsea ghal Anelka izda dan mhux mistenni jaqta’ qalb il-klabb ta’ Abramovich li f’dawn il-granet mistennija jghollu l-offerta taghhom ghall-attakkant Franciz. Bi Drogba f’Ghana u b’Shevchenko u Pizarro ma jurux il-konsistrenza mehtiega, Chelsea ghandhom bzonn lil Anelka bhal hobz u se jkun ferm difficli ghal Bolton li jirnexxielhom izommuh maghhom. In-numru ta’ plejers imwegghin li ghandhom Chelsea flimkien mal-plejers li se jkunu mpenjati fl-Afrika, jaghmluha kwazi imperattiva ghal Avram Grant li jakkwista aktar plejers u Branislav Ivanov ta’ Lokomitiv Moscow jista’ jkun wiehed minn dawn l-akkwisti. Min naha l-ohra plejers bhal Ben Haim u Steve Sidwell qed jissemmew li jistghu ihallu l-klabb.

Din hija biss harsa hafifa lejn kif mistennija jkunu attivi uhud mill-klabbs Inglizi fis-suq tat-trasferimenti matul dan ix-xahar. Fil-gimghat li gejjin ikollna cans naraw l-attivita ta’ klabbs ohra Ewropej u wara li jghaddi dan ix-xahar ikollna wkoll l-opportunita li naghmlu analizi dettaljata ta’ kif ikun mar is-suq tat-trasferimenti madwar il-kampjonati Ewropej.

Mark Mizzi

Il-Futbol Ingliz ikompli ghaddej fil-festi tal-Milied

L-aqwa kampjonati madwar l-Ewropa jieqfu ghal ftit mistrieh matul dawn il-jiem ta’ festi. Mhux hekk il-Premiership u l-kampjonati l-ohra fl-Ingilterra u fl-Iskozja fejn flok il-plejers igawdu ftit mistrieh misthoqq, ikollhom jilghabu aktar loghobiet fi spazju relattivament qasir. Dan il-loghob tal-Milied jiftah id-dibattitu dwar l-introduzzjoni tal-waqfa tax-Xitwa bhal ma jigri f’pajjizi ohra, izda minkejja li din hija mizura logika, ftit hemm cans li tigi ntrodotta fl-Ingilterra.

Il-waqfa tax-Xitwa taghti cans lill-plejers jistriehu u jirkupraw mill-injuries. Bil-kuntarju, il-loghob li jintlagahb fl-Ingilterra bejn il-Milied u l-ewwel tas-sena izid l-injuries u l-plejers jilghabu minghajar ma jkunu f’kundizzjoni li jaghtu l-mija fil-mija taghhom. Il-loghob ta’ bhalissa jissagrifika l-kwalita ghall-kwantita. Izda fl-Ingilterra din il-kongestjon ta’ loghob hija meqjusa bhala tradizzjoni u t-tradizzjonijiet f’dan il-pajjiz difficli jinqatghu.

Il-glieda ghar-rebh tal-kampjonat bejn Arsenal u Manchester United u sa certu punt Liverpool u Chelsea u b’timijiet bhal Manchester City, Everton u Aston Villa jiggieldu ghall-ewwel postijiet qed jaghmlu dan il-kampjonat tassew interessanti u s-sena 2008 ghandha tkompli toffri spettaklu ta’ futbol u emozzjonijiet kif kellna sa issa.

Izda dawn m’humiex l-unici punti li se joholqu diskussjoni fl-ewwel gimghat tas-sena l-gdida. L-incident li kien jinvolvi plejers ta’ Manchester United b’wiehed minnhom jispicca arrestat u l-arrest tal-plejer ta’ Newcastle Joey Barton regghu poggew il-futbol fuq il-pagni ta’ quddiem tal-gurnali. Sfortunatament, meta l-futbol jimxi mill-pagni ta’ wara ghal ta’ quddiem ma jkunx sinjal tajjeb.

Mhux l-ghan ta’ dan l-artiklu li nidhlu fid-dettal tal-kazijiet jew fil-mertu tal-incidenti. L-argument huwa ferm akbar u usa minn zewg incidenti individwali. Dawn m’humiex l-ewwel incidenti ta’ dan it-tip li jinvolvu plejers fl-Ingilterra u jekk ma ssirx xi haga malajr lanqas se jkunu tal-ahhar.

Ic-cermen tal-Proffesional footballers Association Gordon Taylor appella lill-plejers biex jibdew igibu ruhhom ahjar u jiftakru li huma persuni pubblici u bl-imgieba taghhom ghandhom jaghtu ezempju lil tant zghazagh u tfal madwar id-dinja li jharsu lejhom bhala mudelli f’hajjithom.

Hafna mill-plejers jifhmu dan ir-rwol taghhom u jifhmu wkoll kemm huma fortunati li qed jithallsu pagi esorbitanti biex jaghmlu dak li tant ihobbu jaghmlu. Sfortunatament hafna ohrajn ma japprezzawx xortihom. Phil Neville spjega tajjeb is-sitwazzjoni meta qal li “…bhala plejers ghandna nharsu lejna nfusna. Bejn tmenin u disghin fil-mija tal-plejers jafu kif ghandhom igibu ruhhom b’dinjita izda hemm minorita li qed thassar din l-istampa pozittiva”

Plejers zghazagh isibu ruhhom fic-centru tal-attenzjoni u idolizzati mill-partitarji. Flimkien ma sahha finanzjarja kwazi bla limitu din hija ricetta ghall-problemi ghal dawk il-plejers li ma jkunux jafu kif jilqghu ghat-tentazzjonijiet u perikli li jiltaqghu maghhom. L-awtoritajiet tal-futbol fl-Ingilterra, flimkien mal-klabbs, ghandhom ihossu responsabbilta biex jirrangaw is-sitwazzjoni. Hafna plejers ikunu hadmu u stinkaw hafna biex jilhqu l-oghla livell u dawk responsabbli mil-loghoba ghandhom jghinuhom biex ma jarmux kollox meta jibdew jiltaqghu ma’ toroq hziena.

L-FA, il-Premier League, il-Professional Footballers Association u l-klabbs ghandhom jahdmu aktar fiq l-edukazzjoni tal-plejers u x-xoghol taghhom m’ghandux ikollu x’jaqsam biss mal-loghoba tal-futbol. Il-hajja tal-plejers ma tibdiex u tispicca fil-picc u minhabba f’hekk il-klabbs ghandhom jippreparaw ukoll lill-plejers ghall-hajja ta’ barra l-grawnd.

Wara l-incident li kien jinvolvi xi plejers ta’ Manchester United, il-maniger tat-tim Sir Alex Ferguson ghamilha cara li l-plejers tieghu mhux se jithallew jattendu aktar parties fil-waqt li mmulta soma sostanzjali lill-plejers involuti. Ferguson ghamilha cara wkoll li dawk li m’humiex lesti jghixu skond l-etika tal-klabb ta’ Manchester United jistghu jibdew jahsbu biex isibu klabb iehor ghax hu ma jaccettax dan l-agir. Aktar nies b’id tal-hadid bhal ta’ Ferguson tkun parti mis-soluzzjoni tal-problema.

Argument iehor li aktarx ikaxkar matul l-ewwel gimghat jew xhur ta’ din is-sena huwa l-futur ta’ Sam Allardayce ma’ Newcastle United. Ir-rizultati sa tmiem is-sena li ghaddiet xejn ma kienu pozittivi u l-klabb qieghed ferm ‘il boghod min dak li kien anticipat meta nhatar Allardayce.

Ix-xiri tal-klabb ta’ Newcastle minn Mike Ashley u l-hatra ta’ Sam Allardayce gew meqjusa bhala l-ewwel pass biex Newcastle jiksbu l-glorja li dan il-klabb tant kbir jisthoqqlu. S’issa r-ricetta ma hadmitx. Wiehed ma jistax ilum lil Ashley dwar dan ghax il-propjetarju l-gdid tal-klabb hareg il-flus li wieghed biex isahhah it-tim. Jekk dawn il-flus gewx uzati tajjeb minn Allardyce u jekk is-sistemi ta’ dan il-maniger jistghux iwasslu ghas-success huwa argument iehor.

Sam Allardyce huwa meqjus bhala wiehed mill-aqwa manigers fl-Ingilterra izda r-ragunijiet ghal dan huma dibattibbli. L-akbar success ta’ Allardyce kien li stabilizza lil Bolton bhala klabb tal-Premiership izda dan hu ferm ‘il boghod minn dak li jistenna klabb bhal Newcastle. Kull klabb ghandu karatteristici u kulturi differenti u din hija l-akbar problema ta’ Allardyce.

Ma’ Bolton Allardyce kiseb success b’futbol dirett u bbazat fuq il-fizika. Dan hu ezattament l-oppost ta’ dak li jistennew u huma mdorrijin bih il-partitarji ta’ Newcastle. Allardyce jista jargumenta li dan l-element jintesa jekk ir-rizultati jibdew gejjin izda sfortunatament, jew fortunatament, fl-Ingilterra ma jigrix hekk u ta’ dan hemm hafna ezempji.

Meta George Graham ha f’idejh it-tim ta’ Tottenham dawn kienu vicin ir-relegazzjoni izda tahtu, minbarra li salvaw, rebhu wkoll il-League Cup. Dan pero ma kienx bizzejjed. L-istil ta’ Graham kien wiehed difensiv u dirett u plejers kreattivi bhal David Ginola ma baqghux isibu post fit-tim. Dan qatt ma nizel tajjeb mal-partiarji u l-klabb u, minkejja r-rizultati, Graham tnehha mill-kariga tieghu.

Sa certu punt hemm ukoll l-ezempju ta’ Jose Mourinho li minkejja li gab l-unuri lejn Stamford Bridge, tilef postu b’wahda mir-ragunijiet tkun li s-sid tal-klabb ried jara futbol aktar attraenti. Graham u Mourinho gabu s-successi ghall-klabb taghhom izda Allardyce s’issa mhux qed jaghmel dan u allura s-sitwazzjoni ssir aktar gravi. Hafna jghidu li maniger ghandu bzonn iz-zmien biex igib is-success u dan huwa principju validu. Madanakollu l-principju jista’ ma jahdimx meta jkollox maniger li jibqa’ jipprova jbiddel kultura ta’ klabb mil-lejl ghan-nhar. Is-sitwazzjoni kienet tkun ferm differenti kieku, bhal fil-kaz ta’ Arsene Wenger, il-maniger bidel is-sistema minn wahda difensiva u diretta ghal wahda li toffri futbol mill-aktar attraenti.

Jidher ukoll li certu mizuri ntrodotti minn Allardyce ma tantx qed jinzlu tajjeb mal-plejers. Allardyce huwa maniger li jemmen hafna bil-metodi xjentifici biex janalizza l-prestazzjonijiet tal-plejers u jiehu l-ahjar minnhom. Dawn is-sistemi huma ghodda tajba hafna fil-futbol modern izda wahedhom m’humiex bizzejjed. L-aktar ghodda mportanti u li ma tinbidel qatt hija l- “man-management” jigifieri kif maniger jitratta ma’ kull plejer b’mod individwali u skond il-karattru tieghu.

Hawnhek Allardyce ma tantx jidher li qed ikollu success. Allardyce ikkritika pubblikament lill-plejers tieghu wara d-dro kontra Derby u dan xejn ma gie accettat mil-plejers li, bhal plejers fi klabbs ohra, jemmnu li dawn l-affarijiet ghandhom jibqghu bejn l-erba’ hitan tad-dressing room. Allardyce pprova wkoll jaghlaq ‘il plejers f’lukanda ghall-erbat ijiem tal-Milied izda anki hawn sab rezistenza u l-plejers ppreferew iqattghu dan iz-zmien ta’ festi mal-familji taghhom. F’dan il-kaz ghaddiet tal-plejers u wiehed jista’ jghid li din kienet daqqa ta’ harta lill-awtorita tal-maniger fil-klabb.

Imbagahad hemm ukoll il-kaz Joey Barton fejn hafna skantaw kif Allardyce akkwista lil dan il-plejer li tant kellu problemi dixxiplinarji ma’ klabbs ohra. Allardyce wieghed lid-dirigenti tal-klabb li hu jista’ jikkontrolla lil dan il-plejer u jiehu l-ahjar minnu. Ir-rizultat kien li meta suppost kien imwegga’, Barton ghamel lejl barra fil-belt ta’ Liverpool fejn spicca arrestat minhabba glieda. Din kienet daqqa ta’ harta ohra ghal Allardyce fil-glieda tieghu biex jikseb ir-rispett u l-awtorita fuq il-plejers.

Kull maniger gdid irid iwettaq il-bidliet u jipprova jgib it-tim jilghab bis-sistemi tieghu. Izda dawn il-bidliet ghandhom isiru b’attenzjoni kbira u b’rispett lejn il-kultura tal-klabb. Maniger ma jistax imur ma’ klabb bi tradizzjoni ta’ futbol attraenti u offensiv u mil-lum ghal ghada jdawwru f’tim difensiv u negattiv. Barra minn hekk maniger ma jistax jintroduci bidliet radikali ohra barra l-picc bhal sistemi xjentifici, metodi ta’ tahrig u dieti minghajr ma jiddiskuti u jikkonvinci lill-plejers dwarhom. Fil-waqt li dawn il-bidliet jistghu ikunu ghat-tajjeb, il-plejers ma jaccettawhomx malajr. Bidliet bhal dawn jigu accettati aktar kieku jsiru minn maniger li diga rebah fl-oghla livelli tal-futbol u ghalhekk jista jipprova li l-metodi tieghu jahdmu u se jgibu s-success. Allardyce ma jistax jipprova dan u l-glieda tieghu biex jirbah ir-rispett tal-plejers se tkompli.

L-avversarji tal-Inglizi fic-Champions League

Dan l-artiklu gie pubblikat f' L-Orizzont tal-Gimgha 28 ta' Dicembru 2007

Il-gimgha l-ohra ktibna dwar Milan u semmejna l-eta tal-plejers taghhom. Tkellimna dwar kif dan it-tim, minkejja l-inkonsistenza fil-kampjonat, jibqa’ jista’ jibbrilla fl-Ewropa grazzi ghall-esperjenza li ghandhom il-plejers fir-rebh. Il-gimgha l-ohra wkoll telghu il-poloz tar-rawnd li jmiss tac-Champions League u d-destin ried li Milan jiffaccjaw l-aktar tim li jista’ jittestjalhom l-element tal-eta. Iz-zewg loghobiet kontra Arsenal se jservu ta’ mizien fejn f’keffa se jkun hemm l-esperjenza u fil-keffa l-ohra se jkun hemm iz-zoghziija u l-heffa.

Il-maniger ta’ Arsenal Arsene Wenger iddeskriva lil Milan bhala l-aktar klabb konsistenti u effettiv u ghalhekk huma l-aqwa klabb fl-Ewropa fl-ahhar ghoxrin sena. Wenger ma kienx qed jghid dan b’sens ta’ etika wara li telghu il-poloz, izda gimgha qabel u ghalhekk wiehed jifhem li din hija l-opinjoni sinciera ta’ Wenger dwar it-tim ta’ Milan.

Certament Wenger u Arsenal ghandhom kull rispett lejn Milan. F’dan il-livell ta’ futbol il-klabbs il-kbar kollha jirrispettaw lil xulxin u hadd ma jiehu garanziji fuq hadd. Il-possibilitajiet li kien hemm fl-urna biex jiltaqghu ma’ Arsenal kienu kollha difficli. Il-polza taghthom lil Milan. Minkejja l-istorja glorjuza tal-klabb Taljan, jista’ jkun li din kienet polza li ssodisfat lil Wenger.

It-tim ta’ Arsenal huwa tim mimli bi plejers zghazagh fl-aqwa kundizzjoni fizika taghhom. It-tim jilghab b’velocita tul id-disghin minuta u dan grazzi ghal prepareazzjoni metikoluza tal-maniger taghhom Arsene Wenger. Il-moviment korali tal-Gunners huwa l-ghira ta’ kulhadd u l-mod kif kull min ikollu l-ballun dejjem isib zewg plejers jew tlieta ohra jissapportjawh huwa wiehed mis-sigrieti tat-tim ta’ Londra.

Sa ftit ilu, u sa certu punt anki fil-prezent, Arsenal gew ttimbrati bhala tim iffurmat mit-tfal. Dan it-timbru mhux gust. Ghalkemm l-eta hija wahda baxxa, il-plejers aktar milli tfal, huma plejers fl-ahjar eta taghhom. L-eta medja ta’ ghazla tipika ta’ Wenger hija ta’ 25 sena u sitt xhur b’Almunia u Gallas ikunu l-akbar zewg plajers bi tletin sena kull wiehed. Thomas Rosicky ghandu 27 sena, Alexander Hleb ghandu 26 sena u Kolo Toure ghandu 26 sena. Imbaghad hemm plejers ohra bhal Fabregas li ghandu 20 sena u Gael Clichy li ghandu 22 sena. Fil-waqt li plejers bhal Almunia, Gallas, Rosicky, Hleb u Toure m’ghadhomx jistghu jigu meqjusa tfal, plejers bhal Fabregas u Clichy, minkejja li ghadhom zghar, xorta kisbu esperjenza tajba ma’ Arsenal u huma plejers li jilgahbu regolarment fic-Champions League. Fi ftit kliem Wenger ghandu tahlita ta’ plejers li jew jinsabu fl-eta ideali jew inkella ghadhom zghar izda xorta ghandhom esperjenza tal-loghob fl-oghla livell.

Jekk dan hux se jkun bizzejjed kontra Milan ghad irridu narawh. L-esperjenza ta’ Milan hija ferm aktar vasta minn dik ta’ Arsenal u kif ghidna aktar kmieni il-plejers ta’ Milan jafu jirbhu. Bil-grupp ta’ plejers li ghandu Wenger bhalissa ghadu ma rebah xejn sinifikanti u din tista’ tkun indikazzjoni li meta tigi ghal-loghoba krucjali s-saqajn u l-kundizzjoni fizika ottima jistghu ma jkunux bizzejjed. F’dan it-tip ta’ loghob trid l-intelligenza, l-maturita u l-makkakkerija biex tasal. Dawn huma elementi li minnhom Milan ghandhom bl-abbundanza.

Il-loghobiet f’Londra u Milan se juruna jekk Arsenal kisbux dawn l-elementi biex jirbhu l-loghobiet il-kbar. Se juruna wkoll kemm hi mportanti l-esperjenza. Fuq kollox il-loghobiet jistghu juruna wkoll jekk ic-ciklu ta’ Milan wasalx fi tmiemu. S’issa Milan hadu ragun fil-grawnd bl-unuri li rebhu. Fi Frar u Marzu se jkollhom l-akbar test li setghu ltaqghu mieghu. Id-differenza bejn iz-zewg timijiet tista’ tkun li Milan jistghu jippreperaw ahjar ghal dan it-test. Arsenal jinsabu fl-eqqel tal-battalja biex jirbhu l-Premiership u ma jaffordjawx iwaqqghu punti fil-kampjonat. Min naha l-ohra Milan qed jikkoncentraw biss fuq ic-Champions League u dan se jkun ta’ vantagg ghat-tim ta’ Ancelotti.

Il-battalja bejn il-belt ta’ Milan u l-Ingliterra tkompli bil-polza bejn Liverpool u Inter. Bhal Arsenal, Inter huwa wiehed mill-aktar klabbs kosmopolitani fl-Ewropa b’difiza Sud Amerikana, midfield iddominat minn plejers Argentini u attakk immexxi minn Svediz. L-Isvediz huwa Zlatan Ibrahimovic izda f’dan id-dipartiment il-kowc Roberto Mancini ghandu l-alternattivi Julio Cruz, Hernan Crespo u David Suazo- attakk li zgur huwa ta’ theddida ghal kull difiza fl-Ewropa.

L-iskwadra ta’ Inter hija wahda kbira u mimlija kwalita. Ma tkunx esagerazzjoni jekk, almenu fit-teorija, tkun deskritta bhala l-aqwa skwadra fl-Ewropa fil-prezent. Il-maniger ta’ Liverpool Rafa Benitez ha l-fama li t-tatticizmu tieghu jahdem fl-Ewropa. Dan ikkonfermah bir-rizultati li kiseb matul l-ahhar snin izda t-test Inter se jkun wiehed mill-akbar li ltaqa’ mieghu sa issa.

Inter qed jillijdjaw il-kampjonat Taljan relattivament b’kumdidta fil-waqt li l-pozizzjoni ta’ Liverpool fil-Premiership mhix dik li kienet mixtieqa fil-bidu tal-istagun. Iz-zewg kowcis iridu jibbilancjaw l-iskwadra biex ilahhqu maz-zewg kompetizzjonijiet. Inter iridu jzommu l-vantagg li ghandhom f’ras il-klassifika fil-waqt li Liverpool ma jistghux ikomplu jinqatghu minn ta’ quddiem. Mancini u Benitez it-tnejn jiffavorixxu s-sistema tar-rotazzjoni tal-plejers u t-tnejn japplikawha b’mod regolari. Id-differenza bejniethom hi li Inter jistghu jaghmluha b’certu kumdita fil-waqt li Liverpool, meta jaghmluha, ibatu r-rizultati.

Jannar jista jibdel xi ftit is-sitwazzjoni jekk Benitez jinghata l-fondi li jixtieq biex isahhah l-iskwadra. Is-suq ta’ Jannar mhux xi wiehed ideali izda dejjem jista jghin xi ftit biex it-tim jibqa’ jiccalingja fuq aktar minn front wiehed. Jekk dan ma jsehhx, fil-waqt li Inter jistghu jibqghu ghaddejjin fic-Champions League u fil-kampjonat, Liverpool iridu jaghmlu ghazla.

Chelsea se jiffaccjaw it-tim Grieg ta’ Olympiakos. Fuq il-karta Chelsea jibdew favoriti izda Olympiakos qed jilghabu futbol tajjeb u huwa wiehed minn dawk it-timijiet li jistghu joholqu s-sorprizi.

Chelsea jistghu jiffaccjaw lit-tim Grieg minghajr l-attakkant prolifiku taghhom Didider Drogba u forsi anki minghajr id-difensur John Terry. Drogba ghadu kif ghamel operazzjoni f-irkopptu u l-perjodu ta’ rikoverazzjoni mistenmni jkun wiehed twil bil-plejer innifsu jghid li ma jistax ibassar meta se jirritorna ghal-loghob.

John Terry wkoll jinsab barra mit-tim u n-nuqqas tieghu huwa wiehed li jinhass hafna. Minbarra l-kwalitajiet teknici tieghu bhala plejer, Terry huwa l-lijder tat-tim u huwa dak li jimmotiva u jmexxi ‘l shabu matul id-disghin minuta.

Olympiakos bnew tim bil-finanzi mdahhla mit-trasferiment tal-Messikan Castillo li kien inghaqad ma’ Shaktar Donetsk ghal hmistax –il miljun lira sterlina. Wiehed minn dawn l-akkwisti huwa l-Argentin Galletti li jilghab fuq il-faxxa tal-lemin. Fuq ix-xellug Olympiakos juzaw lill-veteran Serb Predrag Djordevic u huwa minn dawn iz-zewg plejers li jibdew il-bicca l-kbira tal-attakki tal-Griegi. Id-difensur laterali Grieg Vassilis Torosidis ukoll jghin fdl-attakk bl-overlaps tieghu. Id-difiza hija meexxija mill-gowlkiper ta’ 36 sena Antonis Nikopolidis li sena wara sena qieghed dejjem jikkonferma l-kwalitajiet tieghu u rnexxielu jzomm fuq il-bank lill-gowlkiper ferm aktar zaghzugh minnu Tomisalv Butina.

L-ismijiet ta’ dawn il-plejers m’humiex maghrufa daqs plejers li jilghabu fl-aqwa kampjonati Ewropej. Dan pero ma jfissirx li m’humiex plejers ta’ kwalita. Il-kowc ta’ Olympiakos Lemonis irnexxielu jghaqqad tim li jilghab futbol tekninkiu u veloci u ghalkemm fuq il-karta il-polza ta’ Chelsea tidher wahda mill-ehfef, it-tim ta’ Avram Grant ikunu qed jaghmlu zball kbir jekk jghoddu l-flieles qabel ma jfaqqsu.

Lyon se jkunu l-avversarji ta’ Manchester United. It-tim Franciz irkupra xi ftit mit-tmiem dizastrus tal-istagun li ghadda u mil-bidu hazin ta’ dan l-istagun izda xorta ma jidhirx li huwa tim tal-portata tar-Red Devils.

Il-velocita ta’ Karim Benzema ghandha zzomm id-difiza ta’ United attenta matul iz-zewg loghobiet izda plejers bhal Ronaldo, Rooney, Giggs u Tevez ghandhom ikunu qawwija wisq ghad-difiza ta’ Lyon immexxija minn Anderson u Sebastien Squillaci.

It-tieni part tal-istagun li ghadda kienet wahda instabbli hafna ghal-Lyon fejn it-tensjoni u nuqqas ta’ koerenza fit-tim kienu evidenti. Jidher li din it-tensjoni kienet qed tirrizulta mid-differenzi li kien hemm bejn il-Braziljan Juninho u l-internazzjonali Franciz Sydney Govou. Dan tal-ahhar qal pubblikament li Juninho jigi trattat b’mod preferenzjali mill-klabb Franciz.

Wara din il-polemika spicca tilef postu l-kowc Gerard Houllier u floku nhatar l-ex ta’ Portsmouth Alain Perrin. Apparti Houllier, Lyon nehhew lil Florent Malouda li nghaqad ma’ Chelsea, Tiagi iffirma ma’ Juventus u d-difensur Abidal mar ma’ Barcelona. Il-kampanja akkwisti ta’ Lyon kienet tinkludi lid-difensur Fabio Grosso, il-midfielder Mathieu Bodmer u l-attakkant Kader Keita.

Minikejja li dawn huma akkwisti ta’ kwalita l-opinjoni generali hija li Lyon iddghajfu u mhux issahhu. Fl-aqwa taghhom Lyon kienu maghrufa li, minkejja li huma meqjusa bhala relattivament klabb zghir, kienu kapaci jzommu l-ahjar plejers taghhom. Dan m’ghadux il-kaz u meta tim jibda jbiegh l-ahjar assi tieghu ma jistax jibqa’ jigi meqjus ma’ dawk il-klabbs li jistghu jiccalingjaw biex jirbhu l-aqwa unuri internazzjonali fil-futbol.