Il-Premiership barra mill-Ingilterra

Dan l-artiklu gie pubblikat f' L-Orizzont tal-Hamis 14 ta' Frar 2008.

Il-Malti jghid li bil-flus taghmel triq fil-bahar. Il-Premier League Ingliz se jaghmel ‘il kontra u se jipprova jaghmel triq fil-bahar biex igib aktar flus. L-ahhar proposta tal-kap ezekuttiv tal-Premier League Richard Scudamore halliet lil kulhadd skantat ghal dak lesti jaghmlu dawn in-nies biex ikomplu jkabbru d-dhul taghhom. Ic-cermen tal-klabbs li jaqblu mal-proposta qed juru li l-interess primarju taghhom huma l-finanzi u ghalihom il-Premeir League huwa biss mezz kif jaghmlu aktar flus. Dan kien jissoponieh kulhadd izda ftit jew hadd ma kien jistenna li biex jikber id-dhul il-loghob tal-Premiership se jibda jintlaghab barra mill-Ingilterra.

Scudamore qed jipproponi li tizdied fixture ohra fil-kampjonat biex kull tim jilghab loghoba izjed f’xi belt barra mill-Ingilterra. Dawn il-loghobiet jitilghu bil-polza izda l-klabbs il-kbar se jkunu issijdjati biex ma jiltaqghux flimkien. Dan ifisser li se jkun hemm timijiet li jilghabu kontra xulxin tlett darbiet flok darbtejn bit-tielet loghoba tintlaghab f’belt li tkun applikat biex tospita l-loghob tal-Premeir League. Il-pjani huma li l-loghobiet jintlagahbu f’Dicembru jew Jannar u l-belt li tkun applikat biex tospita l-loghoba zejda ma jkollha ebda kontroll fuq liema loghoba tintlaghab fiha. Il-punti mirbuha minn dawn il-loghobiet ikunu jghoddu ghal-kampjonat.

Dawk li huma favur din l-idea qed jghidu li meta wiehed jara l-interess li jigbed il-Premiership minn madwar id-dinja kollha, dan huwa pass logiku. Scudamore qal li l-Premeir League irid jaghmel xi haga biex jimmassimizza l-vantaggi tal-globalizazzjoni li toffri l-midja moderna.

Jekk wiehed ihares lejn il-figuri li jiggenera l-Premier League jikkonferma li ghall-ghoxrin cermen li qablu li din il-proposta ghandha titmexxa ‘l quddiem qatt ma hu bizzejjed. Id-drittijiet biex jixxandar il-Premier League f’Hong Kong swew mitt miljun lira sterlina u l-kuntratt prezenti ta’ drittijiet televizivi barra mill-Ingilterra jiswa 625 miljun lira sterlina.

Il-loghobiet tal-Premiership jintwerew f’600 miljun dar f’202 pajjiz fil-waqt li huwa stmat li l-loghoba bejn Arsenal u Manchester United f’Novembru tas-sena l-ohra rawha madwar biljun ruh. Izda dan mhux bizzejjed u Scudamore irid jiehu l-loghob barra mill-Ingilterra ghax “…is-suq fl-Ingilterra huwa saturat u issa rridu nharsu lejn is-swieq barra mir-Renju Unit. Dan huwa c-cans li npoggu l-prodott taghna f’vetrina madwar id-dinja”

L-iskop tal-proposta mhu xejn ghajr mezz iehor biex il-klabbs jaghmlu aktar flus. Jghid x’jghid Scudamore u c-cermen li jappoggjaw l-idea, il-loghoba Ingliza infisha mhu se tiggwadanja xejn minn din il-proposta u l-unici nies li se jgawdu huma dawk li ghandhom interess finanzjarju fil-loghoba.

Ilu hafna jinghad li l-futbol Ingliz qed jitlef ir-ruh tieghu. Il-principju tradizzjonali dejjem kien li l-klabb jirraprezenta l-lokalita u l-kommunita li jkun fiha. Biz-zmien il-manigers u plejers barranin gew accettati u sakemm dawn jghollu l-livell tal-futbol, kif fil-fatt ghamlu, m’hemm xejn hazin. B’xi mod jew iehor gew accetati wkoll l-investitutri barranin u llum hafna klabbs huma kkontrollati minn barra l-Ingilterra. Izda li l-loghoba nfisha se tittiehed barra mill-pajjiz m’ghandha tigi accettata qatt. Din hija prova, jekk kien hemm bzonnha, li is-sidien tal-klabbs jinteressahom biss mill-flus u ftit li xejn jimpurtahom mill-partitarji u mill-principji li suppost ihaddan il-klabb.

Scudamore iddefenda l-proposta tieghu billi qal li meta l-kampjonat imur tajjeb, il-partijiet l-ohra fil-kommunita tal-futbol igawdu wkoll minhabba r-ridistribuzzjoni tal-gid. S’issa qatt ma kien hemm xi forma ta’ distribuzzjoni li tagevoa l-partiatrji. Minkejja l-gid kollu li hemm fil-Premier League, il-biljetti tal-loghobiet dejjem joghlew, il-prezzijiet tal-ikel u x-xorb fil-grawnds huwa ezorbitanti u l-merchandising li jitbella’ lill-partitarji leali bhal flokkijiet ufficcjali li jinbidlu kull stagun m’hu xejn ghajr sfruttament tal-lealta tal-partitarji li ghalihom, mhux bhal dawk li jmexxu, il-klabb huwa kollox.

Scudamore qal li kull meta jkun hemm bidla bhal din ir-reazzjoni tal-partitarji tkun negattiva izda hu jappellalhom biex jieqfu jahsbu ftit fuq il-pozittiv. Il-problema hi li ghal partitarji m’hemm xejn pozittiv sakemm il-Premeir Legaue mhux lest ihallas vaganzi lill-partitarji biex imorru jaraw it-tim taghhom barra l-pajjiz.

Il-proposta hija wkoll ipokrezija grassa min-naha tal-klabbs. Xbajna nisimghu bl-ammont zejjed ta’ loghobiet li jintlaghabu mit-timijiet Inglizi. Din l-ipokrezija mhix xi haga gdida. Qabel it-twaqqif tal-Premeirship, l-oghla divizjoni Ingliza kien fiha 22 tim. Dak iz-zmien kemm ‘il darba sar tentattiv biex in-numru ta’ timijiet jitnaqqas izda, minkejja t-tgergir kollu, kull meta vvutaw il-klabbs dejjem ivvutaw kontra t-tnaqqis. Meta kien qed jigi ppjanat il-Premiership kien gie propost li l-kampjonat il-gdid ikun fih 18 –il tim izda din il-proposta wkoll m’ghaddietx u l-klabbs ivvutaw biex ikun hemm 20 tim.

L-ammont ta’ fixtures li jintalaghbu f’Dicembru w Jannar dejjem jigi kkritikat izda Scudamore qed jipproponi li din il-loghoba zejda tintlaghab f’dawn iz-zminijiet. Kif fixture ta’ klabb minn Londra f’Liverpool jew Newcastle tohloq problemi ta’ vjaggar u ghejja ghal plejers flimkien ma’ problemi finanzjarji ghal partitarji, u loghoba fl-Awstralja, Dubai jew il-Malasja ma tohloqx dawn id-diffikultajiet hija xi haga li ghad irridu nifhmu.

Il-kongestjoni ta’ fixtures hija problema kbira fl-Ingilterra izda l-klabbs mhux veru jridu jsolvuha ghax fejn jidhlu l-flus huma lesti jissagrifikaw il-kwalita ghall-kwantita. Din il-problema diga kwazi qatlet il-League Cup u dghajjfet sew l-FA Cup. Loghoba ohra barra l-pajjiz tkompli tkabbar il-problema u l-importanza tal-League Cup u l-FA Cup tkompli tonqos b’aktar timijiet jaghzlu li jilghabu b’formazzjonijiet rimaneggjati f’dawn il-kompetizzjonijiet. L-istess jigri lit-tim nazzjonali u l-ammont ta’ injuries fantazma biex plejers jevitaw li jilghabu mat-tim nazzjonali jkomplu jikbru.

Scudamore qed jipprova jghid ukoll li minkejja din il-loghoba zejda, u l-fatt li t-timijiet mhux se jibqghu jilghabu kontra xulxin darba home u darba away, il-kamojonat se jibqa’ gust ma kull tim l-istess. Il-logika li juza Scudamore biex jiddefendi dan l-argument hija sempliciment li l-klabbs se jkunu jafu r-regolamenti minn qabel u t-tielet loghoba se tkun fi grawnd newtrali. Il-fatt li l-klabbs jafu r-regolamenti ma jaghmilx is-sistema wahda gusta. Il-timijiet il-kbar se jkunu ssijdjati u allura kull wiehed minnhom se jilghab kontra xi tim iehor tlett darbiet.

Ejja nimmaginaw li din is-sistema bdiet tithaddem minn dan l-istagun u per ezempju l-loghoba zejda ta’ Arsenal hija kontra Fulham u Wigan se jilghabu barra mill-Ingilterra kontra Derby County. B’dan il-mod il-glieda kontra r-relegazzjoni tkun giet korrotta ghax fil-glieda taghhom kontra r-relegazzjoni Fulham se jkollhom jilghabu kontra Arsenal tlett darbiet fil-waqt li Wigan se jkollhom ic-cans jiehdu l-punti minn tlett loghobiet kontra Derby County li, fl-ezempju ta’ dan l-istagun, huma prattikament relegati.

L-istess jghodd ghal zoni ohra tal-klassifika bhal ma huma t-tellieqa ghar-rebh tal-kampjonat, il-postijiet tac-Champions League u l-postijiet fit-Tazza UEFA. Jekk inkomplu fuq dan l-istagun, ikun gust ma’ Manchester United jekk dawn ikollhom jilghabu loghoba zejda kontra xi tim bhal Manchester City, Aston Villa jew Everton u Arsenal jilghabu barra mill-Ingilterra ma’ Reading? B’dan il-mod it-timijiet mhux se jkunu qed jikkompetu fuq l-istess livell u l-Premiership Ingliz se jigi iffalsifikat bil-barka ta’ Scudamore u c-cermen tal-istess klabbs.

Il-kap ezekuttiv tal-Premier League mhu konsistenti xejn dwar kif se jittellghu il-poloz. Huwa qal li l-loghoba zejda se titla’ bil-polza u l-avversarju jkun kwistjoni ta’ xorti bhal ma jigri fl-FA Cup fil-waqt li f’kummenti ohra kkontradixxa lilu nnifsu u qal li wahda mis-sistemi possibbli hi li kull tim jilghab kontra tim li jkun hdax –il post l’isfel minnu.

Il-kaz ta’ polza bix-xorti u l-paragun mal-FA Cup ma jregix ghax wahda mid-differenzi fundamentali bejn l-FA Cup u l-kampjonat hi li t-tazza ghandha element fortuwitu fil-waqt li l-kampjonat huwa bazat fuq skeda programmata li taghmel il-kompetizzjoni fuq l-istess livell ghal kulhadd. Huwa propju ghalhekk li t-tim li jirbah il-kampjonat ikun meqjus bhala l-aktar tim f’sahhtu.

Il-possibilita li kull tim jilghab kontra dak li jkun hdax ‘il post l’isfel minnu hija bla sens ukoll u tiffavorixxi lit-timijiet il-kbar. Jekk niehdu l-klassifika fil-prezent ikun ifisser li dan l-istagun Sunderland ikollhom jilghabu tlett darbiet kontra Chelsea fil-waqt li Arsenal jilghabu tlett darbiet kontra Tottenham. Mill-erba’ timijiet li semmejna f’dan il-kaz partikolari jkunu biss Chelsea li jgawdu u l-kompetizzjoni ma tibqax gusta.

Element iehor importanti hu li wahda mill-akbar attrazzjonijiet tal-Premiership huma l-partitarji u l-atmosfera li tinholoq fil-grawnds Inglizi. L-atmosfera fil-loghobiet f’postijiet bhall-Istati Uniti qatt ma tista’ tkun l-istess bhal dik fl-Ingilterra, specjalment jekk il-loghoba tkun bejn zewg timijiet mhux meqjusa mal-kbar. Partitarju tal-futbol Ingliz minn Melbourne qal li l-passjoni fil-grawnds Inglizi taghmel il-futbol Ingliz dak li hu u l-loghobiet barra l-pajjiz se jkunu minghajr l-aktar ingredjent importanti. Dan il-partitarju jghid, “…ir-raguni li jien u shabi naraw il-futbol Ingliz fuq it-televizjoni hi biex niehdu gost bl-atmosfera li tinholoq bejn partitarji ippassjonati u rivali fi grawnds mimlija storja u tradizzjoni. Loghoba fi grawnd newtrali barra mill-Ingilterra ma jkollha xejn minn dan u l-attrazzjoni tintilef.” Kull kumment iehor huwa superflu.

Il-President tal-UEFA Michel Platini iddeskriva din l-idea bhala cajta. Paltini ghandu ragun izda kollox jindika li din ic-cajta se ssir realta. Il-kampjonat suppost rispettat Ingliz se jibda jkun deciz b’numru farrad ta’ loghobiet b’rawnd shih ta’ loghobiet irkantat ma’ numru ta’ bliet madwar id-dinja.

Fil-maggoranza kbira taghhom il-partitarji huma kontra din l-idea. Fil-fond ta’ qalbhom nimmagina li hafna manigers u plejers jahsbuha l-istess. Il-bicca l-kbira tal-gurnalisti u dawk li jhobbu l-loghoba ukoll hargu qatta’ bla habel kontra l-idea. Dawn il-partijiet ghandhom haga wahda komuni. Hadd minnhom ma kien jew se jkun involut fid-diskussjonijiet. Id-decizjoni se tittiehed minn dawk li jaraw biss id-dhul finanzjarju.

Meta lil Scudamore staqsewh jekk jikkunsidrax johrog il-proposta ghal vot tal-partitarji huwa wiegeb li kieku l-partitarji jithallew jiehdu d-decizjonijiet, kieku l-loghob tal-Premiership ghadu jintlaghab kollu s-Sibt fl-4.00pm. Mhux li kien! Veru kaz ta’ “kemm konna ahjar meta konna aghar”.

Mark Mizzi

Ir-Rivoluzzjoni Ramos

Dan l-artiklu gie pubblikat f' L-Orizzont tal-Hamis 7 ta' Frar 2008.

F’Ottubru tas-sena l-ohra il-klabb ta’ Tottenham u d-dirigenti tieghu kienu attakkati minn kull direzzjoni minhabba l-mod li bih nehhew il-maniger taghhom l-Olandiz Martin Jol u minfloku hatru lill-Ispanjol Juande Ramos. Tottenham tkellmu ma’ Ramos meta Jol kien ghadu fil-kariga u l-provi li hargu fil-gazzetti Inglizi urew bic-car li d-dirigenti kienu qed jahdmu minn wara dahar Jol.

F’din ir-rubrika diga kellna cans nghidu li Tottenham ghamlu hazin li nkixfu f’dak li kienu qed jaghmlu u Jol seta gie trattat ahjar. Izda llum zgur hadd ma jlum id-decizjoni ta’ Tottenham li jmorru ghal Juande Ramos biex forsi fl-ahhar fuq White Hart Lane terga’ tfigg ix-xemx. Ic-cermen ta’ Tottenham Daniel Levy, minkejja l-kritika ta’ sezzjoni ta’ partitarji, zamm kelmtu. Fejn kien hemm bzonn u fejn kien konvint li jista’ jtejjeb is-sitwazzjoni tal-klabb u t-tim huwa ma ddejjaqx jinvesti l-miljuni. Hekk ghamel biex gab lil Ramos.

L-Ispanjol sar wiehed mill-aktar kowcis imhallsa fid-dinja izda Levy ried l-ahjar u ha l-ahjar. Levy gharaf li fl-ahhar snin kien hemm perjodi fejn il-klabb kellu l-potenzjal li jikber u jaghti sodisfazzjon lill-partitarji izda ghal xi raguni jew ohra id-dirigenti tal-klabb dejjem qaghdu lura milli jinvestu f’kowc ta’ klassi mondjali. Levy gharaf li dan huwa l-aktar element importanti biex jigi s-success u nefaq dak li hadd qablu ma kien nefaq.

Il-paraguni huma odjuzi u l-iskop ta’ dan l-artiklu mhux li jqabbel lil Ramos ma’ Jol izda li jaghti harsa lejn dak li qed jipprova jibdel Ramos f’White Hart Lane. Ghalkemm tard fl-istagun, ir-rizultati ghal Tottenham bdew gejjin u t-tim kkwalifika wkoll ghal finali tal-Carling Cup. Izda ma jkunx gust jekk ix-xoghol ta’ Ramos ma’ Tottenham jitkejjel biss bir-rizultati miksuba dan l-istagun. Ramos wasal f’nofs stagun u din mhix sitwazzjoni ideali ghal kowc li jrid jimplimenta sistemi u metodi godda. Barra minn hekk wiehed irid iqis li Ramos qed jipprova jilghab is-sistema tieghu bi plejers li wiret, apparti l-akkwisti ta’ Jonathan Woodgate, Alan Hutton, Chris Gunter u Gilberto li saru ix-xahar li ghadda.

Kif qal Ramos stess, il-bidu tieghu ma’ Tottenham kien wiehed difficli hafna ghax l-plejers kellhom il-moral mal-art u l-mentalita kienet wahda telliefa. Il-plejers kienu tilfu l-kunfidenza fihom infushom u Ramos hadem hafna biex jibdel din l-atitudni. Huwa ried u qieghed jikkonvinci lill-plejers tieghu li ghandhom il-potenzjal li jaslu. Il-kunfidenza li sar ghandhom il-plejers fihom infushom tidher f’diversi ezempji partikolari fosthom fiz-zaghzugh Jamie O’Hara.

Dan il-plejer rari sab post fuq il-bank ma’ Tottenham izda that Ramos beda numru konsiderevoli ta’ loghobiet. Fl-ahhar ginghat O’Hara laghab kemm bhala midfielder laterali, midfielder centrali u anki difensur laterali kontra timijiet bhal Manchester United u Arsenal. L-atitudni ta’ O’Hara f’dawn il-loghobiet kienet wahda ezemplari u, minn barra li hareg bl-unuri, fl-ebda mument ma wera kumpless ta’ inferjorita kontra plejers ferm aktar kkwotati minnu.

O’Hara mhux l-uniku plejer li mar ghall-ahjar taht it-tmexxija ta’ Ramos. Tlett snin ilu Tottenham kienu jigu mfahhra ghall-fatt li kellhom l-ahjar element zaghzugh Brittaniku b’potenzjal kbir ghall-futur. Fost dawn il-plejers kien hemm Aaron Lennon, Jermaine Jenas, Michael Dawson u Tom Huddlestone li tant kien mistenni minnhom. Minn dawn, fi tlett snin, hadd ma ghamel progress notevoli u l-aspettattiva taghhom ma ntlahqitx.

Illum is-sitwazzjoni hiija differenti. Jermaine Jenas inghata rwol aktar avanzat u jidher car li l-pozizzjoni gdida tieghu hija ferma ktar adattata ghal dan il-plejer. Biex isir dan Ramos qed juza lil Huddlestone, Tainio jew Zokora bhala midfielders difensivi u din is-sistema qed thalli lil Jenas jilghab fir-rwol naturali tieghu. Huddlestone qed igawdi mill-preparazzjoni fizika li ntroduca Ramos u l-istamina u l-flessibilita tieghu ghamlu progress kbir. Il-kunfidenza ta’ Huddlestone kibret ukoll u dan deher meta laghab bhala difensur centrali bla problemi ta’ xejn. Aaron Lennon qed jerga’ juza l-potenzjal kollu tieghu u rega’ sar arma micidjali fl-attakk ta’ Tottenham.

Fl-oghla livelli tal-futbol hafna drabi id-differenza bejn tim rebbieh u tim li qatt ma jasal sal-ahhar tkun l-attenzjoni ghad-dettal. U kien proprju dan il-kuncett l-ewwel li Ramos pprova jdahhal fil-klabb ta’ Tottenham. F’intervista li kellu dan l-ahhar wiehed miz-zewg assistenti ta’ Ramos Marcos Alvarez qal li huma kienu sorprizi hafna bil-kundizzjoni fizika tal-plejers ta’ Tottenham. Dan kien jidher car f’hafna loghobiet fejn Totteham kienu jsibuha difficli li jzommu l-pass ghal disghin minuta shah. Ramos mill-ewwel introduca sessjonijiet doppji ta’ tahrig u, bl-ghajuna ta’ Alvarez, beda jsir hafna aktar xoghol fuq il-kundizzjoni fizika tal-plejers.

Plejer li fih tispikka id-differenza huwa l-Franciz Steed Malbranque. Malbranque jaqdi r-rwol ta’ kwazi tlett plejers ghax minbarra li jimla l-pozizzjoni ta’ midfielder laterali, huwa jghin ukoll lid-difensur laterali u jidhol fic-centru tal-midfield. Il-kumment generali dwar dan il-plejer dejjem kien li jaghtik taqsima wahda biss ghax imbagahd jibda jnaqqas. Taht Ramos Malbranque donnu ghadda minn metamorfosi u, fil-waqt li ghadu jaqdi l-istess rwoli, kapaci jaghti l-mija fil-mija sat-tisfira finali.

Id-dieta wkoll qed tilghab parti mportanti fir-rivoluzzjoni Ramos. Alvarez qal li r-restaurant tat-training grounds ta’ Tottenham kien aktar jixbah xi buffet ta’ tieg milli post fejn jieklu l-atleti. Ramos malajr impjega lit-tabib Spanjol Antonio Escribano biex jiehu hsieb id-dieti tal-plejers. Dan tajjar l-ikel li ma jaghmel xejn biex jghin lill-plejers ikollhom prestazzjonijiet ahjar bhal qali, zjut u sauces. Huwa ntroduca dieti programmati ghall-isportivi professjonali fejn sahansitra hemm differenza bejn l-ikel li jittiekel bhala preparazzjoni ghal-loghob u l-ikel li jittiehed wara l-loghobiet sabiex il-plejers jirkupraw l-energija li jkunu hlew.

Il-plejers inghataw dieta individwali sabiex ikollhom il-piz ideali biex jilghabu l-futbol fl-oghla livell. Kien jidher car li qabel gie Ramos kien hemm numru ta’ plejers fosthom Paul Robinson u Tom Huddlestone, li ma kienux f’kundizzjoni ideali u Ramos mill-ewwel ta l-ultimatum li jew joqoghdu ghas-sistemi tieghu sabiex jiskbu l-ahjar kundizzjoni possibbli jew inkella jfittxu klabb iehor.

Dawn huma affarijiet suppost normali ghal klabbs ta’ certu livell u wiehed jiskanta kif ghal-klabb bhal Tottenham li jipppretendu li jitqiesu mal-kbar, dawn id-dettalji kienu aljeni.

Kuncett iehor li qed jimbotta lill-plejers ta’ Tottenham ‘il quddiem huwa d-dixxiplina li qed idahhal il-kowc Spanjol. Din id-dixxiplina tapplika kemm individwalment mal-plejers u kemm fit-tattika. Taht Martin Jol kien jidher car li certu plejers kienu saru wisq komplacenti u donnhom kellhom posthom assigurat minkejja li l-prestazzjoninjiet taghhom mhux dejjem kienu sodisfacenti. Ramos malajr bidel din il-mentalita u llum il-plejers jafu li hadd m’ghandu postu garantit u min irid jilghab irid jirbah postu.

Ezempju ta’ dan huwa l-gowlkiper Paul Robinson li kien ilu sejjer lura ghal diversi xhur minghajr qatt ma tilef postu. Il-fatt li Robinson baqa’ bejn il-lasti ta’ Spurs la ghamel gid lil Spurs u lanqas lil Robinson innifsu. Minkejja li nghata cans wara iehor il-prestazzjonijiet tieghu baqghu ma tjiebux u kien jidher car li kellu bzonn waqfa u tbezbiza. Robinson qatt ma ra lic-Cek Radek Cerny bhala sfida ghal flokk numru wiehed izda Ramos hasibha mod iehor u wara li ta bizzejjed cans lil Robinson biex itejjeb il-wirjiet tieghu, qalghu u pogga lil Cerny bhala gowlkiper regolari. L-istess jista’ jinghad ghad-difensur zaghzugh Younes Kaboul fejn Ramos ma qghadx jaghti kaz il-flus li nefqu Tottenham f’dan il-plejer u meta l-prestazzjonijiet tieghu ma tjibux qalghu mit-tim.

In-nuqqasijiet fid-difiza spikkaw fil-loghoba kontra Aston Villa fl-ewwel tas-sena. Dakinhar l-assistent ta’ Ramos, Gus Poyet qal li ma jistax ikun li l-plejers jippruvaw l-affarijiet fit-training u mbaghad ma jippratikkawhomx fil-grawnd. Huwa kien qal li jekk l-affarijiet ma jinbidlux se jkun hemm tibdiliet kbar u hekk gara ghax wasal Jannar u mieghu waslu erba’ difensuri godda.

Ramos qed izomm lil kulhadd fuq ponot subghajh billi juri li ma jibzax jintroduci plejers zghar biex jiehdu post ohrajn aktar stabbiliti. O’Hara inghata c-cans u hadu fil-waqt li wiehed jinnota li fuq il-bank ta’ Spurs kwazi dejjem ikun hemm plejer zghir. Ghal dawn il-plejers il-fatt li jhossu lilhom infushom parti mill-iskwadra jiswa mitqlu deheb fil-waqt li l-plejers stabbiliti jindunaw li hemm min jinsab lest biex jehdilhom posthom.

Tattikament Ramos ukoll wassal ghal tibdiliet kbar. Il-plejers huma ferm aktar dixxiplanti u organizzati u l-id tal-kowc tidher cara. Ramos jadotta sistemi differenti skond l-avversarju u jidher li mhux kowc marbut ma sistema wahda li ma jibdilha qatt. Il-kapacita tattika ta’ Ramos deheret ukoll kull meta rnexxielu jdawwar rizultat. Fejn qabel Martin Jol kien jistenna sal-ahhar minuti qabel ma sempliciment jitfa’ attakant iehor, Ramos jaghmel il-bidliet aktar kmieni. Il-bidla ta’ Ramos ma tkunx li jdahhal attakkant iehor u jieqaf hemm izda jibdel l-impostazzjoni tattika kollha tat-tim biex jikkumplimenta is-sostituzzjonijiet li jkun wettaq.

Dan kollu ma jfissirx li x-xoghol ta’ Ramos huwa lest u f’daqqa wahda Tottenham se jibdew jirbhu l-unuri. Pero huwa car li l-ewwel pass sar. L-attitudni nbidlet u l-plejers bil-mod –il mod qed ikabbru l-kunfidenza fihom infushom. Il-plejers qed jibdew jemmnu li jistghu jaslu x’imkien u llum m’ghadhomx jiffaccjaw klabbs ferm aktar kkwotati bil-loghoba diga mentalment mitlufa.

F’Jannar Tottenham sahhew id-difiza fejn nefqu madwar ghoxrin miljun lira sterlina. Fis-Sajf li gej Ramos ikun irid jerga’ jsahhah l-iskwadra bi plejers tal-ghazla tieghu. Gowlkiper, midfielder difensiv ta’ klassi, playmaker u possibilment difensur centrali iehor zgur ikunu fost l-alternattivi li se jikkonsidra Ramos. Jekk il-klabb ikompli jghin lil Ramos fil-waqt li jhallih jaghzel il-plejers li jixtieq u jahdem minghajr indhil zejjed allura jista jkun li r-rivoluzzjoni Ramos terga’ twassal ghall-unuri tant mixtieqa mill-partitarji ta’ Tottenham.

Mark Mizzi

Trasferimenti fl-Italja u d-dhul ta' Pato fix-xena

Dan l-artiklu miktub minn Mark Mizzi gie pubblikat f' L-Orizzont tal-Hamis 31 ta' jannar 2008

Bhal fil-kumplament tal-kampjonati Ewropej, din il-gimgha jasal fi tmiemu is-suq tat-trasferimenti ta’ Jannar fl-Italja. Minkejja li, kif nghidu dejjem, Jannar mhux ix-xahar li fih isiru l-aqwa trasferimenti, xorta wahda kien hemm diversi spunti interessanti li ta’ min wiehed itihom daqqa t’ghajn.

L-aktar trasferiment li spikka s’issa kien wiehed li ma sehhx matul Jannar. L-attakkant Braziljan ta’ Milan Pato kien akkwistat matul is-Sajf izda ma setax jiddebutta qabel dan ix-xahar. Id-debutt issa wasal u mill-ewwel indikazzjonijiet jidher li Pato se jkun ghall-altezza tal-aspetattiva li kien hemm ghal dan il-plejer zaghzugh.

Iz-zewg gowls li Pato skorja kontra Genoa jikkonfermaw it-talent u l-potenzjal li ghandu dan il-plejer. Is-Serie A mhux kampjonat facli u t-tatticizmu partikolarment fid-difiza huwa meqjusa bhala l-aqwa fl-Ewropa. Izda Pato ma bezax minn dan kollu u fl-ewwel dehriet tieghu f’loghob ufficcjali qed juri li apparti t-talent u t-teknika, ghandu wkoll il-personalita biex ma jhallix l-eta tenera taffetwah u hekk ikun success fil-futbol Taljan.

Il-kaptin ta’ Milan Paulo Maldini gabar il-karrateristici kollha ta’ Pato fi ftit kliem u ddeskrivieh bhala plejer li ghandu talent, velocita u personalita. Maldini qal ukoll li Pato ma jhallix il-pressjoni taffetwah u dan huwa ngredjent importanti hafna ghal plejer zaghzugh li jrid jirnexxi f’wiehed mill-aqwa kampjonati fl-Ewropa. Min-naha tieghu il-kowc ta’ Milan Carlo Ancellotti qal li Pato qed jaghmel dak li hu u d-dirigenti ta’ Milan kienu qed jistennew li jaghmel.

Id-dilemma ghal Ancellotti issa tista’ tkun dwar jekk Pato ghandux jitqies bhala talent li jista’ jigi sfruttat jew inkella ghandux jigi protett sakemm jimmatura aktar. Minkejja li, kif qal Maldini, Pato ma jaghtix l-impressjoni li jigi affetwat mill-pressjoni, din il-pressjoni ma tistax tigi injorata. Sa certu punt Pato huwa vittma tas-success tieghu stess. Kull meta Milan gew kkritikati dwar in-nuqqas ta’ attivita fis-suq tat-trasferimenti dejjem wiegbu b’mod li jaghtu wiehed x’jifhem li Pato se jsolvi l-problemi kollha. Jista’ jkun li dan ikun minnu pero l-klabb irid joqghod attent li bid-dikjarazzjonijiet ufficcjali li johorgu ma jkunux huma stess li jghabbu lil Pato b’aktar pressjoni u responsabbilta. Ma’ dan kollu hemm ukoll il-prezz imhallas ghalih fejn fuq spallejh Pato qed igorr it-timbru ta’ ghoxrin miljun Ewro.

Pato diga qed jesperjenza kif il-midja tista’ tghollik mas-sema u ftit wara tnizzlek fl-abissi tal-infern. Wara l-gowl tieghu kontra Napoli Pato gie gglorifikat u ismu gie mzejjen bl-aqwa aggettivi izda dan kollu sparixxa wara l-wirjiet kontra Udinese w Atalanta fejn gie deskritt bhala talent immatur. Il-glorja naturalment regghet irritornat wara z-zewg gowls tiegghu kontra Genoa. Il-parir tad-dirigenti ta’ Milan ghal Pato hu biex dan jara mill-anqas televizjoni u jevita li jaqra l-gurnali sportivi- xi haga prattikament impossibbli f’pajjiz fejn il-futbol huwa religjon u l-hin allokat ghal dan l-isport fuq il-midja kwazi jisboq kull suggett iehor.

Ancellotti ma tantx qed juri li huwa lest izomm lill dan it-talent lura. Huwa qal li Milan ghandhom hafna kwlaitajiet li ghandhom jigu sfruttati u mhux limitati. Ancellotti qal ukoll li biex Pato jakkwista l-epserjenza u l-maturita mehtiega biex johrog l-ahjar kwalitajiet tieghu ghandu bzonn kontinwita fit-tim. Minn dan jidher li l-kowc ta’ Milan ma tantx lest ihalli lil Pato jistrieh.

Ancellotti ghandu ragun jirraguna li huwa l-loghob li jimmatura ‘l plejer. Jista jkun li minn zmien ghall-iehor Pato jkollu bzonn jistrieh izda s’issa ma weriex li huwa xi plejer li ghandu bzonn trattament bl-ingwanti. Il-fatt li kellu zewg loghobiet indifferenti fejn tilef opportunitajiet facli ta’ gowls u rkupra minnhom billi skorja zewg gowls kontra Genoa juru li Pato ghandu l-karattru mehtieg f’dan il-livell ta’ futbol. Aktar milli jipproteguh fil-grawnd, Milan ghandhom jipprotegu lil dan il-plejer barra l-grawnd minn elementi esterni ghal klabb. Milan zgur ghandhom is-set-up u n-nies li kapaci jaghmlu dan u Pato m’ghandux isibha difficli li jkompli jiffjorixxi fl-ambjent Milanist.

Attivita nteressanti waslet ukoll mill-klabb ta’ Juventus. Fejn ghal Milan iddebutta plejer li akkwistaw fis-Sajf, Juventus diga qed jahsbu ghall-istagun li gej u akkwistaw ufficcjalment lid-difensur Svediz ta’ Aston Villa Olof Mellberg. Il-kuntratt ta’ Mellberg ma’ Aston Villa jiskadi fi dan l-istagun u ghalhekk Juventus mhux se jhallsu flus ghat-trasferiment tieghu. Mellberg mistenni jsahhah id-difiza ta’ Juventus u jzid l-element ta’ esperjenza u solidita. Dan l-istagun qed ikun wiehed mill-aqwa ghal Mellberg fil-Premiership u mhux ta’ b’xejn li gibed l-attenzjoni ta’ Claudio Ranieri. Ranieri qal li ilu jsegwi lil dan il-plejer u jinsab sodisfatt hafna li fl-ahhar irnexxielu jakkwista l-firma tieghu.

Mellberg, li ghandu 31 sena, ghandu statura perfetta ghal difensur centrali. Fl-istess hin huwa plejer flessibbli u veloci u ma jikkaverjax biss ic-centru tad-difiza. Il-kundizzjoni fizika tajba li ghandu l-plejer Svediz tippermettilu jiddefendi wkoll il-faxex laterali u ghalhekk dan se jkun addizzjoni mportanti hafna ghad-difiza ta’ Juventus.

Aspett iehor importanti dwar Mellberg huwa l-gowls li kapaci jiskorja minn “set pieces” fejn issa saret karetteristika regolari ta’ Aston Villa li tara lill Mellberg jitla jattakka l-korners u l-freekicks iex isib ix-xibka bir-ras.

Juventus pero ma hasbux ghall-futur biss u ghal dan l-istagun sahhew id-difiza permezz ta’ Guglielmo Stendardo li nghaqad mat-tim ta’ Turin b’self minghand Lazio. Min-naha taghhom Lazio ma damux ma mwlew il-vojt imholli minn Stendardo u akkwistaw lid-difensur centrali ta’ 21 sena Rumen Radu minghand Dinamo Bucharest. Lazio sahhew ukoll l-attakk bl-akkwist ta’ Rolando Bianchi minghand Manchester City.

Juventus iddecidew li jzommu maghhom lil Portugiz Tiago. Jidher li Juventus kienu diga accettaw offerta minn Tottenham ghall-ex plejer ta’ Chelsea izda l-plejer ma tantx deher favur dan it-trasferiment. Fi Tiago kien hemm interess ukoll minn Atletico Madrid u Benfica izda dawn, jew ma offrewx daqs Tottenham, jew inkella riduh b’self. Dan johrog mill-fatt li Juventus ppruvaw jikkonvincu lil Tiago jaccetta t-trasferiment ghal ma’ Tottenham. Meta Tiago baqa’ jirrifjuta din l-alternattiva, Juventus iddecidew li jirtiraw lil Tiago mis-suq tat-trasferimenti.

Id-Direttur Sportiv ta’ Juventus Alessio Secco ikkonferma l-interess f’dan il-plejer. Huwa qal li Tottenham baqghu isegwuh sal-ahhar izda n-negozjati mal-plejer gibdu fit-tul u ma kienx baqa’ zmien biex it-transazzjoni ssehh. B’dan il-kliem Secco kkonferma li, ladarba t-trasferiment ghal ma’ Tottenham kien sfuma, huma pprefew izommuh maghhom milli jtuh lil Benfica jew Atletico. Din hija l-konferma li l-offerta ta’ dawn it-tnejn ma kinitx accettabbli ghal Juventus. Secco qal ukoll li issa Tiagi se jkollu cans jirbah postu ma’ Juventus u jimpressjona lil Ranieri.

Din mhux se tkun xi haga facli ghax ftit tal-jiem ilu Ranieri qal li sfortunatament xi akkwisti li ghamlu Juventus qed isibuha difficli jilhqu l-aspettattiva. Huwa kompla li dan jista’ jkun minhabba l-fatt li dawn il-plejers ma jifilhux ghall-pressjoni li jgib mieghu il-flokk abjad w iswed. Ranieri qal ukoll li ghalih Tiago huwa l-akbar misteru ghax minkejja li jemmen li l-plejer Portugiz ghandu l-ingredjenti kollha biex ikun plejer kbir, dan baqa’ ma qabdx art f’Turin u s’issa qatt ma lahaq il-livelli mistennija. Bhal Tiago Juventus kellhom ukoll lil Almiron u Boumsong li t-tnejn gew trasferiti ghall-kamjonat Franciz fejn il-livell mhux bil-fors huwa gholi daqs dak Taljan.

Juventus kienu mistennija jsahhu wkoll nofs il-grawnd bl-akkwist tal-plejer internazzjonali tal-Mali Mohammed Sissoko minghand Liverpool. Sissoko huwa wiehed mill-ahjar midfielders difensuri fic-cirkolazzjoni u jekk dan il-plejer jirnexxi fl-Italja ghandu jkun investiment kbir ghal Juventus. Ma’ Liverpool ftit li xejn kien qed jinghata cans u forsi kien ukoll xi ftit sfortunat minhabba li ghal postu kellu jikkompeti mal-Argentin Javier Mascherano.

Mascherano kien fic-centru ta’ kwistjoni bejn il-maniger ta’ Liverpool Rafa Benitez u s-sidien tal-klabb fejn Benitez stinka kemm felah biex jikkonvinci lis-sinjuri Hicks u Gillette jonfqu sbatax –il miljun lira sterlina biex jakkwistaw lil dan il-plejer b’mod permanenti. Fid-dawl ta’ din il-kwistjoni Benitez ma’ kienx jaffordja jhalli lil Mascherano barra mit-tim ghax hekk kien ikun qed idghajjef il-pozizzjoni tieghu fl-argument mas-sidien Amerikani.

Sal-ahhar granet dawn kienu l-aktar punti nteressanti dwar is-suq tat-trasferimenti fl-Italja. Il-lijders tal-klassifika Inter ttrasferew b’self lill-internazzjonali Braziljan Adriano ghal ma’ Sao Paolo bit-tama li fil-Brazil jerga’ jsib it-trankwillita psikologika li tista’ tghinu jiritorna ghal forma li nafuh fiha meta kien fl-aqwa tieghu. Min naha l-ohra il-kowc ta’ Roma Luciano Spalletti emmen fil-bilanc tal-iskwadra tieghu u ghazel li ma jaffetwahx b’akkwisti godda.

Dawn kienu biss ftit spunti li hargu mis-suq tat-trasferimenti fl-Italja sa ftit jiem qabel ghalaq is-suq. Kif diga ghidna, matul ix-xahar li gej ikollna cans naghmlu analizi aktar kompleta ta’ kif ikun mar is-suq tat-trasferimenti ta’ Jannar madwar il-kamojonati Ewropej.

It-Tazza tan-Nazzjonijet Afrikani

Dan l-artiklu gie pubblikat f' L-Orizzont tal-Hamis 24 ta' Jannar 2008

Din il-gimgha qed jintlaghabu l-ewwel loghobiet tat-Tazza tan-Nazzjonijiet Afrkani li din is-sena qed issir fil-Ghana. Din il-kompetizzjoni saret tigbed interess kbir anki barra mill-Afrika stess bir-raguni principali tkun in-numru dejjem jikber ta’ plejers Afrikani li qed jinghaqdu ma’ klabbs Ewropej. Permezz tal-klabbs Ewropej il-profil ta’ dawn il-plejers kiber u maghhom kiber ukoll il-profil tal-kompetizzjoni li llum tara dhul sostanzjali minn drittijiet televizivi biex it-turnament jigi mxandar barra mill-Afrika.

Bhal kull edizzjoni ohra fl-ahhar snin, l-edizzjoni ta’ din ix-xitwa tat-Tazza tan-Nazzjonijiet Afrikani gabet maghha wkoll il-polemika rigward iz-zmien li tintlaghab fih u l-frekwenza tal-kompetizzjoni. B’kuntrast mal-Kampjonati tan-Nazzjonijet Ewropej u t-Tazza tad-Dinja, din il-kompetizzjoni ssir kull sentejn u tintlaghab fl-aqwa tal-istaguni domestici fl-Ewropa. Minhabba f’hekk hafna klabbs madwar l-Ewropa jitilfu l-aqwa plejers taghhom fi zmien krucjali tal-kompetizzjonijiet domestici u l-manigers, kowcis u partitarji jispiccaw jaraw l-iskwadri taghhom jigu decimati minghajr ma jistghu jaghmlu xejn.

Din il-problema ma kinitx tezisti qabel numru kbir ta’plejers Afrikani bdew jigu akkwistati minn klabbs Ewropej. Madwar ghoxrin sena ilu, meta l-kompetizzjoni kienet saret fil-Marokk, l-unici plejers li kienu maghrufa mal-Ewropej kienu Stephen Keshi, Roger Milla u Joseph Bell. Izda mas-snin dawn l-ismijiet bdew jizdiedu hekk kif zdiedu wkoll in-nazzjonijiet li jippartecipaw f’din il-kompetizzjoni. Fil-fatt il-Konfederazjoni Afrikana zieded it-timijiet li jikkwalifikaw ghall-finali u hekk kabbret il-problemi ghall-klabbs Ewropej. L-ewwel furur fuq certu skala qam fl-edizzjoni tal-1992 meta n-numru ta’ plejers li hallew il-klabbs taghhom fl-Ewropa biex imorru jilghabu fis-Senegal kien wiehed konsiderevoli. In-numru ta’ dawn il-plejers baqa’ jikber u llum din il-kompetizzjoni saret ugiegh ta’ ras ghall-klabbs Ewropej.

Il-President tal-FIFA Sepp Blatter tkellem dwar din il-problema u appella lill-Konfederazzjoni Afrikana biex tikkonsdra bis-serjeta li tibda torganizza din il-kompetizzjon matul ix-xhur tas-Sajf.

Proprju erbgha w ghoxrin siegha qabel il-ftuh ufficcjali tal-kompetizzjoni f’Accra Blatter qal li dan it-turnament ghandu jibda jigi organizzat fix-xhur ta’ Gunju u Lulju. Blatter semma in-numru ta’ plejers li qed jigu ssagrifikati minn klabbs Ewropej meta l-aktar li jkollhom bzonnhom u accenna ghat-Tazza tad-Dinja fejn qal li l-plejers Afrikani jistghu ibatu fit-Tazza tad-Dinja minhabba l-kompetizzjoni Afrikana. Il-President tal-FIFA qal li hu jifhem li t-Tazza tan-Nazzjonijiet Afrikani f’Jannar kull sentejn hija tradizzjoni izda wiehed irid ikollu l-kuragg li jbiddel xi haga li mhix konformi mal-kalendarju internazzjonali u li mhux qed taghmel gid lill-futbol Afrikan stess.

Il-FIFA ilha hafna tishaq biex tistabilixxi kalendarju internazzjonali uniformi u Blatter qal li l-mira tal-FIFA hi li dan il-kalnedarju jigi stabbilit sas-sena 2016. Huwa sahaq li dan ghandu jkun kalendarju li jhares l-interessi tal-partijiet kollha partecipi fil-futbol internazzjonali.

Billi t-Tazza tan-Nazzjonijiet Afrikani ssir kull sentejn wiehed irid joqghod attent li, jekk din tibda tigi organizzata fis-Sajf, ma tahbatx mat-Tazza tad-Dinja jew mal-Kampjonati tan-Nazzjonijiet Ewropej. Huwa logiku li mumru mill-pajjizi li jippartecipaw fit-kompetizzjoni Afrikana jkunu kkwlaifikaw ukoll ghall-finali tat-Tazza tad-Dinja u b’hekk il-kompetizzjoni ma tkunx tista’ ssir fl-istess sena. Min-naha l-ohra, jekk it-Tazza tan-Nazzjonijiet Afrikani tahbat mal-Kampjonati Ewropej allura ikun naturali li l-attenzjoni tal-Ewropa tmur fuq dawn il-Kampjonati u t-Tazza Afrikana titlef parti kbira mill-attenzjoni globali u d-dhul li di iggib maghha minn barra l-kontinent Afrikan.

Blatter qed jissuggerixxi li, apparti li l-kompetizzjoni tibda ssir fis-Sajf, tibda tigi organizzata fi snin farradi biex hekk ma tibqax tahbat maz-zewg kompetizzjonijiet il-kbar l-ohra. Dwar it-Tazza tad-Dinja Blatter enfasizza dwar il-problema ta’ dawk il-plejers Afrikani li jkollhom jilghabu fit-Tazza tan-Nazzjonijiet Afrikani u t-Tazza tad-Dinja fl-istess stagun. Wara stagun mal-klabb taghhom li jkun jinkludi wkoll xahar ta’ mpenn fil-kompetizzjoni Afrikana, dawn il-plejers ma jaslux fl-ahjar kundizzjoni ghat-Tazza tad-Dinja u minhabba f’hekk ibatu huma, it-timijiet nazzjonali nfushom u l-livell tat-Tazza tad-Dinja. Dan se jigri sentejn ohra meta f’Jannar issir edizzjoni ohra tat-Tazza tan-Nazzjonijiet Afrikani u fis-Sajf tal-istess sena issir it-Tazza tad-Dinja fl-Afrika t’Isfel.

Dawn il-proposti ta’ Blatter ma tantx qed jinzlu tajjeb mal-Konfederazzjoni Afrikana. Il-President tal-CAF Issa Hayatou qal li sakemm idum President hu, “…l-akbar festa ta’ futbol fl-Afrika mhux se tinbidel”. L-awtoritajiet tal-futbol Afrikan jghidu li l-istagun tax-xita f’hafna pajjizi Afrikani matul Gunju u Lulju jaghmilha mpossibbli li l-kompetzzjoni tigi organizzata fis-sajf. Hayatou jghid li, “…hekk kif diversi kampjonati Ewropej jieqfu fix-xitwa ghax il-grawnds ikunu ffrizati, ahna nieqfu ghax il-grawnds ikunu mifqugha bl-ilma”

F’dan kollu hemm element ta verita u t-temp jista’ tassew ikun problema. Madanakollu inhass ukoll in-nuqqas ta’ volonta mill-Afrika li tikkopera mal-FIFA biex issolva din il-problema. Ic-Champions League tal-Afrika tibda f’Gunju u tispicca f’Novembru fil-waqt li l-loghob ta’ kwalifikazzjoni ghall-istess Tazza tan-Nazzjonijiet Afrikani jintlaghab fis-Sajf u dan juri li t-temp wahdu ma jwaqqafx il-futbol fl-Afrika. Huwa ovvju ghalhekk li t-temp mhux l-uniku raguni biex it-turnament jintlaghab kif qed jintlaghab fil-prezent u wara l-isistenza tal-CAF hemm ukoll l-interessi finanzjarji.

L-Afrikani jafu li jekk it-turnament jibda jsir fis-Sajf dan ikollu jikkompeti ma’ avvenimenti ohra kbar fid-dinja sportive. Jekk ma jkunux it-Tazza tad-Dinja jew il-Kampjonati tan-Nazzjonijiet Ewropej jistghu ikunu avvenimenti ohra bhal-Copa America jew l-Olimpjadi. Jekk it-Tazza tan-Nazzjonijiet Afrikani ssir fl-istess zmien ta’ xi wiehed minn dawn l-avvenimenti zgur li titlef hafna mill-attenzjoni li tircievi llum u minhabba f’hekk jintilfu wkoll hafna flus.

Il-flus huma wkoll ir-raguni li l-kompetizzjoni ssir kull snetejn flok kull erba’ snin. Minhabba din il-frekwenza hemm aktar pajjizi li ghandhom l-opportunita li jorganizzaw din il-kompetizzjoni u hekk jircievu ghajnuna finanzjarja biex itejjbu l-infrastruttura taghhom u naturlament jigbdu n-negozju w kummerc lejn pajjizhom waqt il-kompetizzjoni. Hafna mill-pajjizi Afrikani huma foqra u l-investiment li jista jigi permezz ta’ kompetizzjoni internazzjonali bhat-Tazza tan-Nazzjonjiet Afrikani huwa meqjus bhal manna mis-sema.

Il-Konfederazzjoni Afrikana ghandha kull dritt tipprotegi lilha nfisha u taghmel dak li hu fl-ahjar interess taghha u l-pajjizi li thaddan. La Blatter u lanqas il-klabbs Ewropej m’ghandhom dirt jindahlu fit-tmexxija ta’ din il-Konfederazzjoni biex jissalvagwardjaw l-interessi taghhom. Il-fatt li t-Tazza tan-Nazzjonijiet Afrikani ssir kull sentejn u f’Jannar mhix xi skoperta tal-bierah u l-klabbs Ewropej ikunu jafu b’dan kull meta jakkwistaw plejers Afrikani. Hija ironika kif klabbs Ewropej l-ewwel jakkwistaw plejers mill-kontinent Afrikan u mbaghad igergru ghax dawn jitilqu biex jirraprezentaw lil pajjizhom f’dik li l-plejers Afrikani jaraw bhala t-Tazza tad-Dinja taghhom.

Min-naha l-ohra pero il-Konfederazzjoni Afrikana trid toqghod attenta li ma tkunx qed tisparha ghal saqajha stess frott il-pika mal-FIFA u mal-klabbs Ewropej. Meta Blatter tkellem dwar il-kundizzjoni tal-plejers li jilghabu fl-Afrika f’Jannar u fit-Tazza tad-Dinja fis-sajf tal-istess sena kellu ragun biex ibiegh. Illum kulhadd jilmenta mil-fatt li l-plejers qed jilghabu hafna loghobiet u minhabba f’hekk, minbarra l-kundizzjoni fizika tal-istess plejers, qed ibati wkoll il-livell tal-loghob. Plejer involut fil-kompetizzjonijiet domestici mal-klabb tieghu, possibilment fic-Champions League jew fit-Tazza UEFA u f’turnment internazzjonali mat-tim nazzjonali f’nofs l-istagun ma jistax jasal fl-ahjar kundizzjoni ghall-finali tat-Tazza tad-Dinja fis-sajf tal-istess sena. Dan jista’ jwassal ghal prestazzjonijiet u rizultati negattivi mill-pajjizi Afrikani li eventwalment minnhom tbati wkoll il-Konfederazzjoni Afrikana.

L-insistenza tal-CAF fuq il-format prezenti tat-turnament taghha tista’ twassal ukoll biex klabbs kbar Ewropej jjibdew jahsbuha darbtejn qabel jakkwistaw plejer Afrikan. L-ebda klabb ma jiehu gost ihallas il-miljuni fi trasferimenti u pagi biex imbagahd il-plejer jitlaq ghal xahar fl-aktar zmien krucjali. Il-klabbs jistghu jitfghu l-attenzjoni taghhom fi swieq ohra u hekk jibdew jonqsu l-opportunitajiet ghall-plejers ta’ talent Afrikani li jhallu pajjizhom biex jilghabu f’kampjonati akbar fejn jghollu l-livell taghhom u eventwalment il-livell tat-tim nazzjonali.

Jekk dawn il-plejers jonqsu, awtomatikament tonqos ukoll l-attenzjoni tal-Ewropa fuq it-Tazza tan-Nazzjonijiet Afrikani. Kif diga ghidna hafna mill-attrazzjoni ta’ din il-kompetizzjoni fil-kontinent taghna gejja mill-fatt li hemm hafna plejers jilghabu mal-aqwa klabbs Ewropej. Jekk dawn jitnaqqru b’mod konsiderevoli u l-kompetizzjoni ssir mimlija plejers li ftit li xejn ikunu maghrufa barra l-Afrika, tmajna wkoll l-attrazzjoni tal-kompetizzjoni u maghha jmajna d-dhul li jidhol minn barra l-kontinent Afrikan.

Il-klabbs Ewropej jistghu iwettqu wkoll pressjoni sottili fuq il-plejers Afrikani taghhom biex jibdew jinjoraw din il-kompetizzjoni u hekk tonqos hafna l-kwalita tat-turnamnent. Dan diga jigri f’kompetizzjonijiet ohra bhal Copa America u l-loghob ta’kwalifikazzjoni ghat-Tazza tad-Dinja fil-grupp tal-Amerika t’Isdfel fejn hafna plejers bbazati fl-Ewropa jaghzlu li ma jinghaqdux mat-tim nazzjonali ghal dan il-loghob.

Il-Konfederazzjoni Afrikana ghandha tissalvgwardja l-interessi finanzjarji u t-tradizzjonijeit taghha izda ghandha wkoll tissalvagwardja l-futur fit-tul taghha u tal-plejers li thaddan. Id-dirigenti tal-futbol Afrikan ghandhom ikunun ftit aktar flessibbli u jpoggu bil-qieghda mal-FIFA biex jahdmu fuq kalendarju internazzjonali li, kif qal Blatter, jissodisfa l-interessi ta’ kulhadd. Dan m’ghandux jitqies bhala sottomissjoni servili ghal FIFA izda pass li jaghmel sens fl-interess tal-plejers Afrikani u t-timijiet nazzjonali taghhom stess.

Mark Mizzi